கடன் தொல்லையால் ஐடி ஊழியா் தற்கொலை

பங்குச் சந்தையில் முதலீடு செய்து இழப்பு ஏற்பட்டதால் ஐடி ஊழியா் தற்கொலை செய்துகொண்டாா்.

ஈரோடு கைகாட்டிவலசு பாரதியாா் நகரைச் சோ்ந்தவா் செந்தமிழ்ச்செல்வன் (34), ஐடி ஊழியா். இவரின் மனைவி லலிதா. இவா்களுக்கு குழந்தை இல்லை.

வீட்டில் இருந்தபடியே நிறுவனம் கொடுக்கும் வேலையை செந்தமிழ்ச்செல்வன் செய்துவந்துள்ளாா். மேலும், கடன் வாங்கி பங்குச் சந்தையில் முதலீடு செய்துள்ளாா். இதில், அவா் பல லட்ச ரூபாய் வரை இழந்ததாகக் கூறப்படுகிறது.

கடனைத் திருப்பிச்செலுத்த முடியாமல் மன வேதனையில் இருந்த செந்தமிழ்ச்செல்வன் வீட்டில் யாருமில்லாத நேரத்தில் வெள்ளிக்கிழமை தூக்கிட்டு தற்கொலை செய்துகொண்டாா்.

இதையடுத்து, அருகிலிருந்தவா்கள் அவரை மீட்டு ஈரோடு அரசு மருத்துவமனைக்குக் கொண்டுச்சென்றுள்ளனா். அங்கு, அவரைப் பரிசோதனை செய்த மருத்துவா்கள் ஏற்கெனவே அவா் உயிரிழந்துவிட்டதாகத் தெரிவித்தனா்.

இதுகுறித்து ஈரோடு வடக்கு போலீஸாா் வழக்குப் பதிவு செய்து விசாரணை நடத்தி வருகின்றனா்.