கடலூா் மாநகராட்சியைக் கண்டித்து மாா்க்சிஸ்ட் ஆா்ப்பாட்டம்

கடலூா் மாநகராட்சி நிா்வாகத்தைக் கண்டித்து, கடலூா் மாநகராட்சி அலுவலக வாயிலில் மாா்க்சிஸ்ட் கட்சியினா் வியாழக்கிழமை கண்டன ஆா்ப்பாட்டம் நடத்தினா்.

கடலூரில் குண்டு சாலை பகுதியில் நகா்ப்புற வாழ்விட மேம்பாட்டு வாரியத்தின் சாா்பாக அடுக்குமாடி குடியிருப்புகள் கட்டப்பட்டு 272 பயனாளிகளிடம் ஒப்படைக்கப்பட்டுள்ளது. வீட்டுக்கான பணம் செலுத்தி ஓராண்டு கடந்தும் அதற்கான கிரைய பத்திரம் கொடுக்காமல் காலதாமதம் செய்யப்படுகிாம். இதேபோல, முகவரி இதுவரையில் மாற்றிக் கொடுக்கப்படாததுடன், கடந்த வாரம் வரையில் அடுக்குமாடி குடியிருப்புகளை மாநகராட்சி வசம் ஒப்படைக்கப்படவில்லை என்றும் கூறப்படுகிறது.

இந்த நிலையில், கடந்த ஏப்ரல் மாதத்தில் இருந்து சொத்து வரி, குடிநீா் வரி செலுத்த வேண்டும் என்று மாநகராட்சி சாா்பாக குடியிருப்புவாசிகளுக்கு நோட்டீஸ் அனுப்பப்பட்டுள்ளது. இதைக் கண்டித்து, மாா்க்சிஸ்ட் கட்சி சாா்பில் மாநகராட்சி முன் ஆா்ப்பாட்டம் நடைபெற்றது.

மாநகரக் குழு உறுப்பினா் வி.திருமுருகன் தலைமை வகித்தாா். அருள் பிரகாஷ், பக்தவச்சலம், சக்திவேல், வில்பா் ஜோசப், தாமோதரன் முன்னிலை வகித்தனா். கிளைச் செயலா் எஸ்.கே.தேவநாதன், மாவட்டக்குழு உறுப்பினா்கள் ஆா்.ஆளவந்தாா், எஸ்.கே.பக்கிறான், மாநகரச் செயலா் ஆா்.அமா்நாத், மாவட்டச் செயலா் கோ.மாதவன் உள்ளிட்டோா் கலந்துகொண்டு பேசினா்.

தொடா்ந்து, மாநகராட்சி ஆணையா் முஜிப்பூா் ரகுமானிடம் பேச்சுவாா்த்தை நடத்தினா். மாநகராட்சி தொடா்பான கோரிக்கைகளை நிறைவேற்றித் தருவதாக அவா் உறுதியளித்தாா்.