கனிமா! ரசிகர்களை உருக வைத்த பூஜா ஹெக்டே!

ரெட்ரோ படத்தின் இரண்டாவது பாடலில் பூஜா ஹெக்டேவின் நடனம் ரசிகர்களைக் கவர்ந்துள்ளது.

நடிகர் சூர்யா - கார்த்திக் சுப்புராஜ் கூட்டணியில் உருவான திரைப்படம் ரெட்ரோ. ஆக்சன் கலந்த காதல் கதையாக உருவான இப்படம் மே 1 ஆம் தேதி வெளியாகிறது.

பூஜா ஹெக்டே நாயகியாகவும் நாசர், பிரகாஷ் ராஜ், ஜோஜு ஜார்ஜ் உள்ளிட்டோர் முக்கிய கதாபாத்திரங்களிலும் நடித்துள்ளனர்.

இதையும் படிக்க: பராசக்தி வெளியீடு எப்போது? தயாரிப்பாளர் பதில்!

முன்னதாக, சந்தோஷ் நாராயணன் இசையமைப்பில் கண்ணாடி பூவே பாடல் வெளியாகி ரசிகர்களிடம் நல்ல வரவேற்பைப் பெற்றது.

இந்த நிலையில், படத்தின் இரண்டாவது பாடலான , ‘கனிமா’ பாடலை நேற்று (மார்ச் 21) வெளியிட்டனர். விவேக் எழுதிய இப்பாடலை சந்தோஷ் நாராயணன் பாடியதுடன் சூர்யா, பூஜா ஹெக்டேவுடன் இணைந்து நடனமாடியும் அசத்தியிருந்தார்.

முக்கியமாக, பாடல் ஜகமே தந்திரம் படத்தில் இடம்பெற்ற ’ரகிட ரகிட’ பாடலை நினைவூட்டினாலும் பூஜா ஹெக்டேவின் நடன அசைவுகள் பலரையும் கவர்ந்துள்ளது. இதனால், பூஜா ஹெக்டேவின் நடன காட்சிகளை கட் செய்து வைரலாக்கி வருகின்றனர்.