ஆத் ஆத்மியில் இணைந்த பகுஜன் சமாஜ் கட்சியின் முன்னாள் தலைவர்!
கல்வி மன அழுத்தம் காரணமாக பாலத்தில் இருந்து யமுனையில் குதித்ததாகக் கூறப்படும் 15 வயது சிறுமியின் தற்கொலை முயற்சியை தில்லி காவல் துறையினா் முறியடித்ததாக அதிகாரி ஒருவா் ஞாயிற்றுக்கிழமை தெரிவித்தாா்.
இது குறித்து வடக்கு தில்லி காவல் சரக துணை ஆணையா் ராஜா பந்தியா கூறியதாவது: இந்தச் சம்பவம் சனிக்கிழமை நடந்துள்ளது. ரூப் நகா் காவல் நிலையத்திற்கு ஒரு பெண்ணிடமிருந்து தனது மகள் காணாமல் போனது குறித்து துயர அழைப்பு வந்தது. குடும்பத்தில் மற்றவா்கள் வெளியே இருந்தபோது தனது மகள் வீட்டில் தனியாக இருந்ததாக சிறுமியின் தாய் போலீஸாரிடம் தெரிவித்தாா்.
சிறுமியின் கல்வி செயல்திறன் குறித்த கேட்ட பிறகு, தனது மகள் கடுமையான நடவடிக்கை எடுக்கக்கூடும் என்று கவலைப்பட்ட தாய், தனது மகனிடம் சிறுமியை கண்காணித்துக் கொள்ளும்படி கேட்டுக் கொண்டுள்ளாா். இந்நிலையில், வடக்கு காவல்துறை ஆணையா் வினிதா தியாகி தலைமையிலான காவல் குழு, தேடுதல் நடவடிக்கையைத் தொடங்கியது.
இந்தக் குழு சிசிடிவி காட்சிகளை ஆய்வு செய்து, உள்ளூா் விசாரணைகளை நடத்தியது. சிக்னேச்சா் பாலம் மற்றும் வாஜிராபாத் பழைய பாலம் பகுதிகளில் தீவிர கண்காணிப்பை மேற்கொண்டது. மெட்ரோ தள காவலா்களுக்கு தகவல் தெரிவிக்கப்பட்டு, தேடுதலில் அவா்கள் இணைந்தனா்.
தேடுதல் பணியின் போது, அச்சிறுமி யமுனை நதியில் குதிப்பதைக் கண்டனா். காவலரும் நீச்சல் வீரருமான பிரிஜேஷ் குமாா் ஆற்றில் குதித்து சிறுமியை மீட்டாா். சிறுமி பாதுகாப்பாக கரைக்கு கொண்டுவரப்பட்டாா். உடனடியாக சிறுமிக்கு போலீஸ் குழுவால் ஆலோசனை வழங்கப்பட்டது. போலீஸாரின் நடவடிக்கையைத் தொடா்ந்து உரிய முறைப்படி சிறுமி தனது குடும்பத்தினருடன் மீண்டும் இணைந்தாா் என்று காவல் துணை ஆணையா் ராஜா பந்தியா தெரிவித்தாா்.
