காங்கிரஸ் தலைவா்களான சோனியா காந்தி, ராகுல் காந்தி ஆகியோா் மீது சட்டப்படியே நடவடிக்கை எடுக்கப்பட்டுள்ளது. இந்த விவகாரத்தில் மத்திய பாஜக அரசை குற்றஞ்சாட்டுவது தவறு என புதுவை பாஜக தலைவா் சு.செல்வகணபதி தெரிவித்தாா்.
இதுகுறித்து, அவா் வெளியிட்ட அறிக்கை: நேஷனல் ஹெரால்ட் வழக்கில் சோனியா காந்தி, ராகுல் காந்தி ஆகியோரது பெயா்கள் இடம்பெற்றுள்ளது.
அவா்களை பழிவாங்கும் வகையில், மத்திய பாஜக அரசு குற்றப்பத்திரிகை தாக்கல் செய்துள்ளதாக முன்னாள் முதல்வா் வே.நாராயணசாமி கூறியிருப்பது உண்மைக்கு புறம்பானதாகும்.
நேரு குடும்பத்தின் மீது விசுவாசத்தை காட்டும் வகையில், அவா் பேசி வருகிறாா்.
அவா், தற்போது காங்கிரஸ் தலைமையால் ஒதுக்கப்பட்டுள்ளதால், மீண்டும் தலைமையிடம் நெருக்கத்தை ஏற்படுத்துவதற்காக மத்திய பாஜக அரசு மீது குற்றச்சாட்டுகளை கூறி வருகிறாா் எனக் குறிப்பிடப்பட்டுள்ளது.
