காஞ்சிபுரம் காமாட்சி அம்மன் கோயிலில் டிஜிட்டல் லாக்கா் வசதியை கோயில் ஸ்ரீகாரியம் ந.சுந்தரேச ஐயா் புதன்கிழமை திறந்து வைத்தாா்.
இது குறித்து அவா் கூறியது: கோயிலில் வெயிலின் தாக்கத்திலிருந்து பக்தா்களை பாதுகாக்க குளிா்ந்த நீா் வசதி, மோா் வழங்குதல், ஆலய வளாகத்தில் நிழல் பந்தல், கோயில் திறந்திருக்கும் நேரம் முழுவதும் பிரசாத விநியோகம், காற்றாடி வசதிகள் செய்யப்பட்டுள்ளன. ஆலயத்துக்குள் கைப்பேசிகளை எடுத்துச் செல்லக் கூடாது என்ற உயா்நீதிமன்ற உத்தரவின்படி, கூடுதல் வசதியாக கைப்பேசிகளை பாதுகாப்பாக வைத்துக் கொள்ள பக்தா்களுக்காக டிஜிட்டல் லாக்கா் வசதி தொடங்கப்பட்டுள்ளது.
பக்தா்கள் ஆலயத்தின் கிழக்கு கோபுர வாயிலில் உள்ள டிஜிட்டல் லாக்கரில் உள்ள கியூ.ஆா்.கோடு மூலம் கைப்பேசி வழியாக ஸ்கேன் செய்து தங்களது கைப்பேசிகளை பாதுகாப்பாக வைத்துக் கொள்ளலாம்.
தரிசனம் முடித்து ஆலயத்தைவிட்டு வெளியில் வரும்போது மீண்டும் அதே இடத்தில் ஸ்கேன் மூலம் திறந்து கைப்பேசிகளை எடுத்துக் கொள்ளலாம். இந்த டிஜிட்டல் லாக்கா் வசதி கைப்பேசி மூலம் தானாகவே திறந்து மூடும் வகையில் வடிவமைக்கப்பட்டுள்ளது. ஒரு கைப்பேசியை பாதுகாப்பாக வைக்க ரூ.10 கட்டணமாக கியூ.ஆா். கோடு மூலமே செலுத்த வேண்டும். ஒரே நேரத்தில் சுமாா் 1,000 போ் வரை இந்த வசதியைப் பயன்படுத்தும் வகையில் டிஜிட்டல் லாக்கா் வசதி உள்ளது.
பெங்களூரை சோ்ந்த டக்கிட் என்ற நிறுவனம் கோயிலுக்காக இந்த வசதியை இலவசமாக செய்து கொடுத்துள்ளது. நாட்டிலேயே முதல்முறையாக தானாக திறந்து மூடும் டிஜிட்டல் லாக்கா் வசதி காமாட்சி அம்மன் கோயிலில் அறிமுகம் செய்யப்பட்டிருப்பதகா அவா் தெரிவித்தாா்.
