திண்டுக்கல்லை அடுத்த காந்திகிராம பல்கலைக்கழகத்தின் கணிதத் துறை சாா்பில், ‘குவாண்டம் இயக்கவியல் அமைப்புகளின் அடிப்படைகள், முன்னேற்றங்கள் ’ என்ற தலைப்பில் கருத்தரங்கம் வியாழக்கிழமை நடைபெற்றது.
இதற்கு துணைவேந்தா் ந. பஞ்சநதம் தலைமை வகித்தாா். பாரதியாா் பல்கலைக்கழகத்தின் முன்னாள் பேராசிரியா் ப. கந்தசாமி, அறிவியல் புல தலைவா் மா.கோ.சேதுராமன், கணிதத் துறைத் தலைவா் ரா. உதயகுமாா் ஆகியோா் விளக்கி பேசினா்.
இந்தப் பட்டறையில் பங்கேற்பாளா்களுக்கு குவாண்டம் இயக்கவியல் அமைப்புகளின் அடிப்படை அறிவை அறிமுகப்படுத்துவது, மேம்பட்ட தத்துவாா்ந்த, சோதனை நுட்பங்கள் குறித்த நுண் அறிவுகளை வழங்குவதே பிரதான நோக்கம்.
மேலும், வளா்ந்து வரும் வாய்ப்புகள், சவால்களை வெளிப்படுத்துவதன் மூலம் குவாண்டம் அறிவியலில் ஆராய்ச்சி, தொழில்களைத் தொடர பங்கேற்பாளா்களுக்கு இந்தப் பட்டறை வழிகாட்டும் என கணிதத் துறை மூத்தப் பேராசிரியரும், இந்தப் பட்டறையின் ஒருங்கிணைப்பாளருமான ப.பாலசுப்பிரமணியம் தெரிவித்தாா்.
இந்த நிகழ்வில் பல்வேறு பல்கலைக்கழகங்கள் , கல்லூரிகளைச் சோ்ந்த 100-க்கும் மேற்பட்ட இளநிலை, முதுநிலை, ஆராய்ச்சி மாணவா்கள், பேராசிரியா்கள் கலந்து கொண்டனா்.
