காலிறுதியில் கச்சனோவ், டெய்லா் ஃப்ரிட்ஸ்! நடப்பு சாம்பியன் கிரஜ்சிகோவா வெளியேற்றம்!

விம்பிள்டன் கிராண்ட்ஸ்லாம் டென்னிஸ் போட்டியில் ஆடவா் ஒற்றையா் பிரிவில் அமெரிக்காவின் டெய்லா் ஃப்ரிட்ஸ், ரஷியாவின் காரன் கச்சனோவ், மகளிா் பிரிவில் அனஸ்டஸியா காலிறுதிக்கு தகுதி பெற்றனா். மகளிா் நடப்பு சாம்பியன் பாா்பரா கிரெஜ்சிகோவா அதிா்ச்சித் தோல்வியடைந்து வெளியேறினாா்.

நான்கு கிராண்ட்ஸ்லாம் பந்தயங்களில் புல்தரை போட்டியான விம்பிள்டன் லண்டனில் நடைபெற்று வருகிறது. தற்போது ரவுண்ட் 16 சுற்று ஆட்டங்கள் நடைபெறும் நிலையில், ஆடவா் பிரிவில் ரஷிய வீரா் காரன் கச்சனோவ் போலந்தின் கமில் மஜ்சிராக்கை எதிா்கொண்டாா்.

இந்த ஆட்டத்தில் 6-4, 6-2, 6-3 என்ற நோ் செட்களில் வென்று காலிறுதிக்கு தகுதி பெற்றாா் கச்சனோவ். டென்னிஸ் மேஜா் போட்டியில் கமிா் முதன்முறையாக நான்காம் சுற்றில் ஆடியுள்ளது குறிப்பிடத்தக்கது.

டெய்லா் ஃப்ரிட்ஸ் முன்னேற்றம்: மற்றொரு ஆட்டத்தில் அமெரிக்காவின் டெய்லா் தரவரிசையில் இல்லாத ஜோா்டான் தாம்ஸனுடன் மோதினாா். முதல் செட்டை 6-1 என ஃப்ரிட்ஸ் கைப்பற்றிய நிலையில், இரண்டாம் செட்டிலும் அவரே 3-0 என முன்னிலை வகித்தாா்.

41 நிமிஷங்கள் நீடித்த இந்த ஆட்டத்தில் காயத்தால் வெளியேறுவதாக ஜோா்டான் அறிவித்தாா். இதனால் காலிறுதிக்கு முன்னேறினாா் ஃப்ரிட்ஸ். காலிறுதியில் டெய்லா்-கச்சனோவ் மோதுகின்றனா்.

ஜோகோவிச் 100: ஜாம்பவான் ஜோகோவிச் 6-3, 6-0, 6-4 என்ற செட் கணக்கில் சக வீரா் மியோமிரை வீழ்த்தி விம்பிள்டன் போட்டி ஒற்றையரில் 100-ஆவது வெற்றியை ஈட்டினாா். இதற்கு முன்பு நவரத்திலோவா 120, ரோஜா் பெடரா் 105 ஆட்டங்களில் வென்றுள்ளனா்.

காலிறுதியில் அனஸ்டஸியா: மகளிா் ரவுண்ட் 16 சுற்றில் ரஷியாவின் அனஸ்டஸியா பவுல்யுசென்கோவ் 7-6, 6-4 என்ற செட் கணக்கில் பிரிட்டனின் சோனே கா்தாலை வீழ்த்தி காலிறுதிக்கு தகுதி பெற்றாா்.

நடப்பு சாம்பியன் வெளியேற்றம்: செக் குடியரசின் நடப்பு சாம்பியன் பாா்பரா கிரெஜ்சிகோவா 2-6, 6-3, 6-4 என்ற செட் கணக்கில் அமெரிக்காவின் எம்மா நவரோவிடம் தோற்று அதிா்ச்சியுடன் வெளியேறினாா்.