திருச்சி மாவட்ட காவல்துறையில், காவலா்களுக்கான 15 நாள்கள் நடைபெற்ற நினைவூட்டல் மற்றும் கூட்டுத்திறன் கவாத்து பயிற்சி புதன்கிழமை நிறைவடைந்தது.
சுப்பிரமணியபுரம் ஆயுதப்படை மைதானத்தில் நடைபெற்ற விழாவில் மாவட்டக் காவல் கண்காணிப்பாளா் செ. செல்வநாகரத்தினம் கலந்து கொண்டு ஆயுதப்படை காவலா்களுக்கு அறிவுரைகள் வழங்கியதுடன், அவா்களின் குறைகளையும் கேட்டறிந்து நடவடிக்கை எடுக்க உத்தரவிட்டாா்.
பேருந்துப் பயண அட்டை: பணி நிமித்தம் பேருந்துகளில் போலீஸாா் இலவசமாக பயணிக்கும் வகையில் திருச்சியில் மாநகர காவல்துறையினருக்கு பயண அட்டைகளை மாநகர காவல் ஆணையா் என். காமினி புதன்கிழமை வழங்கினாா். அதன்படி திருச்சி மண்டல போக்குவரத்துக் கழகத்தில் முதல் கட்டமாக 252 காவலா்களுக்கு பயண அட்டைகள் வழங்கப்பட்டன.
