கா்நாடக மாநில காங்கிரஸ் தலைவா் மாற்றம் குறித்து தெளிவான தகவல் இல்லை என பொதுப்பணித் துறை அமைச்சா் சதீஷ் ஜாா்கிஹோளி தெரிவித்தாா்.
இதுகுறித்து பெங்களூரில் வெள்ளிக்கிழமை செய்தியாளா்களிடம் அவா் கூறியதாவது:
கா்நாடக மாநில காங்கிரஸ் தலைவரை மாற்றுவது குறித்து தெளிவான தகவல் இல்லை. புது தில்லியில் இருந்து முதல்வா் சித்தராமையா பெங்களூரு திரும்பியதும் தெளிவு கிடைக்கும். கட்சிமேலிடத்துடன் என்ன விவாதிக்கப்பட்டது என்பதை முதல்வா் சித்தராமையாவிடம் கேட்பேன்.
கட்சியின் மாநிலத் தலைவா் பதவிக்கு எனது பெயா் மேலிடத்துக்கு பரிந்துரைத்தது யாா் என்பது தெரியவில்லை. கட்சித் தலைவா் பதவிக்கு எனது பெயரும், எனது நண்பா் அமைச்சா் ஈஸ்வா் கண்ட்ரேவின் பெயரும் பரிசீலனைக்கு எடுத்துக்கொள்ளப்பட்டுள்ளதாக ஊடகங்களில் கவனித்தேன். முதல்வா் சித்தராமையா பெங்களூரு திரும்பியதும் என்ன நடந்தது என்பதை கேட்டு தெரிந்துகொள்வேன். எனினும், இதுகுறித்து என்னிடம் கட்சி மேலிடம் எதுவும் பேசவில்லை. கட்சித் தலைவா் பதவியை வழங்கும்படி மேலிடத்திடம் நான் கேட்கவில்லை.
கட்சித் தலைவராக யாா் நியமிக்கப்பட்டாலும் எனது ஆதரவு இருக்கும். கட்சித் தலைவா் பதவி குறித்து மேலிடம்தான் முடிவுசெய்ய வேண்டும் என்றாா்.
