கிணற்றில் தவறி விழுந்து தொழிலாளி உயிரிழப்பு

விழுப்புரம் மாவட்டம், ஒலக்கூா் அருகே கிணற்றில் தவறி விழுந்து தொழிலாளி செவ்வாய்க்கிழமை உயிரிழந்தாா்.

திண்டிவனம் வட்டம், நொளம்பூா் பிள்ளையாா் கோவில் தெருவைச் சோ்ந்த ஆதிமூலம் மகன் புஷ்பராஜ் (23). தொழிலாளி.

இந்த நிலையில், அதே ஊரில் தனக்கு சொந்தமான நிலத்துக்கு புஷ்பராஜ் சென்றாராம். அப்போது, அவருக்கு வலிப்பு ஏற்பட்டு, எதிா்பாராதவிதமாக கிணற்றில் தவறி விழுந்தாராம். இதில், நீரில் மூழ்கிய அவா் நிகழ்விடத்திலேயே உயிரிழந்தாா்.

இதுகுறித்து, தகவலறிந்த ஒலக்கூா் போலீஸாா் நிகழ்விடம் விரைந்து, புஷ்பராஜின் சடலத்தை கைப்பற்றி உடல்கூறாய்வுக்காக முண்டியம்பாக்கம் அரசு மருத்துவக் கல்லூரி மருத்துவமனைக்கு அனுப்பிவைத்தனா். மேலும், இதுகுறித்து போலீஸாா் விசாரித்து வருகின்றனா்.