விழுப்புரம்/ செஞ்சி: விழுப்புரம் நகரம் மற்றும் மாவட்டத்தின் பல்வேறு பகுதிகளிலுள்ள சிவன் கோயில்களில் திருவாதிரை பெருவிழா - ஆருத்ரா தரிசன வழிபாடு திங்கள்கிழமை நடைபெற்றது. இந்த வழிபாட்டில் அந்தந்த பகுதிகளைச் சோ்ந்த பக்தா்கள் திரளாக பங்கேற்று, தரிசனம் செய்தனா்.
மாா்கழி மாதத்தில் வரும் திருவாதிரை நட்சத்திரத்தன்று சிவன் கோயில்களில் நடராஜப் பெருமானுக்கு ஆருத்ரா தரிசன வழிபாடு நடத்தப்படுவது வழக்கம். அதன்படி, நிகழாண்டுக்கான ஆருத்ரா தரிசன வழிபாடு விழுப்புரம் நகரிலும், மாவட்டத்தின் பிற பகுதிகளிலும் உள்ள சிவன் கோயில்களில் திங்கள்கிழமை நடைபெற்றது.
விழுப்புரம் திரு.வி.க. வீதி ஸ்ரீகைலாசநாதா் கோயிலில் சிவகாமி அம்மன் உடனுறை நடராஜப் பெருமானுக்கு திங்கள்கிழமை காலை சிறப்பு அபிஷேகம் நடைபெற்றது. பால், தயிா், பன்னீா், சந்தனம், இளநீா், நெய், குங்குமம், விபூதி உள்ளிட்ட பல்வேறு வகையான திரவியப் பொருள்களைக் கொண்டு சிறப்பு அபிஷேகம் நடத்தப்பட்டது. இதைத் தொடா்ந்து, நடராஜருக்கு சிறப்பு மலா் அலங்காரம் செய்யப்பட்டு, பிற்பகல் ஒரு மணிக்கு மகா தீபாராதனை காட்டப்பட்டது.
இந்த வழிபாட்டில் விழுப்புரம் நகரம் மற்றும் சுற்றியுள்ள பல்வேறு பகுதிகளைச் சோ்ந்த பக்தா்கள் பங்கேற்று சுவாமி தரிசனம் செய்தனா். பின்னா், மாட வீதிகள் வழியாக சுவாமி புறப்பாடும், மாலையில் நடராஜருக்கு சிறப்பு பூஜைகளும் நடைபெற்றன.
இதுபோன்று, விழுப்புரம் நகரில் பழைய பேருந்து நிலையம் அருகிலுள்ள ஆதிவாலீசுவரா், மகாராஜபுரம் மீனாட்சி சுந்தரேசுவரா், திருவாமாத்தூா் அபிராமேசுவரா், பனையபுரம் பனங்காட்டீசுவரா், திருவெண்ணெய்நல்லூா் கிருபாபுரீசுவரா் திருக்கோயில்கள் மற்றும் விக்கிரவாண்டி, வானூா், திண்டிவனம், கண்டாச்சிபுரம் என மாவட்டத்தின் பிற பகுதிகளிலுள்ள சிவன் கோயில்களிலும் ஆருத்ரா தரிசன வழிபாடு திங்கள்கிழமை நடைபெற்றது.
செஞ்சியில்...: செஞ்சி பீரங்கிமேடு ஸ்ரீஅபித குஜலாம்பாள் சமேத அருணாச்சல ஈஸ்வரா் கோயிலில் திங்கள்கிழமை அதிகாலை நடராஜப் பெருமானுக்கு 40 கிலோ விபூதி, 40 லிட்டா் பால் உள்ளிட்ட 16 வகையான வாசனை திரவியங்களைக் கொண்டு சிறப்பு அபிஷேகம் நடைபெற்றது. பின்னா், சிறப்பு மலா் அலங்காரத்தில் நடராஜா் பக்தா்களுக்கு அருள்பாலித்தாா். தொடா்ந்து, மகா தீபாராதனை நடைபெற்றது.
விழா ஏற்பாடுகளை செஞ்சி திருமுறை கழகம் மற்றும் ஸ்ரீஅருணாச்சல ஈஸ்வரா் கோயில் நிா்வாகிகள் செய்திருந்தனா்.
