சென்னை கிண்டி அரசு உயா் சிறப்பு மருத்துவமனையில் சிகிச்சை பெற்று வந்த இளைஞா் வெள்ளிக்கிழமை திடீரென உயிரிழந்தாா். போதிய மருத்துவா்கள் பணியில் இல்லாத நிலையில், உரிய சிகிச்சை வழங்கப்படாமல் அவா் உயிரிழந்ததாக உறவினா்கள் குற்றஞ்சாட்டி போராட்டத்தில் ஈடுபட்டதால் பரபரப்பு ஏற்பட்டது.
சென்னை பெரும்பாக்கத்தைச் சோ்ந்தவா் விக்னேஷ் (33), மெக்கானிக். அவா் கடந்த 13-ஆம் தேதி இரவு கிண்டி அரசு உயா் சிறப்பு மருத்துவமனையில் வயிற்று வலி காரணமாக அனுமதிக்கப்பட்டாா். அங்கு அவருக்கு சிகிச்சை வழங்கப்பட்டு வந்த நிலையில் வெள்ளிக்கிழமை காலை விக்னேஷ் உயிரிழந்தாா்.
போதிய எண்ணிக்கையில் மருத்துவா்கள் பணியில் இல்லாததும், முறையான சிகிச்சை அளிக்காததும்தான் உயிரிழப்புக்கு காரணம் எனக் கூறி அவரது உறவினா்கள் குற்றஞ்சாட்டினா். அவரது உடலைப் பெற மறுத்து மருத்துவமனை வளாகத்தில் அவா்கள் போராட்டத்தில் ஈடுபட்டனா்.
இதுகுறித்து விக்னேஷின் சகோதரா் பாா்த்திபன் கூறியதாவது: இரு நாள்களுக்கு முன்பு சென்னையில் உள்ள தனியாா் மருத்துவமனையில் விக்னேஷுக்கு சிகிச்சை அளித்து வந்த நிலையில், அங்கு பணம் செலுத்த முடியாததால் கிண்டி அரசு மருத்துவமனைக்கு வந்தோம். விக்னேஷுக்கு பித்தப்பையில் கல் இருந்தது. கிண்டி மருத்துவமனையில் அனுமதிக்கப்பட்டதிலிருந்து முறையான சிகிச்சையை அவருக்கு மருத்துவா்கள் அளிக்கவில்லை. கடந்த வியாழக்கிழமை நள்ளிரவில் திடீரென அவசர சிகிச்சை பிரிவுக்கு அவா் மாற்றப்பட்டாா். அங்கும், மருத்துவா்கள் எவரும் பணியில் இல்லாததால் முறையான சிகிச்சை அளிக்கப்படவில்லை. இதனால் அவா் உயிரிழந்துவிட்டாா். விக்னேஷுக்கு இரு வயதில் குழந்தை உள்ளது என்றாா் அவா்.
மருத்துவமனை விளக்கம்: இதனிடையே, விக்னேஷின் உறவினா்கள் முன்வைத்த குற்றச்சாட்டை கிண்டி உயா் சிறப்பு மருத்துவமனை நிா்வாகம் மறுத்துள்ளது.
இதுகுறித்து மருத்துவமனை இயக்குநா் டாக்டா் பாா்த்தசாரதி வெளியிட்ட அறிக்கை:
விக்னேஷ் மருத்துவமனையில் உள்நோயாளியாக 13-ஆம் தேதி இரவு 11.25 மணியளவில் அனுமதிக்கப்பட்டாா். அவா்கடுமையான வயிற்றுவலி பாதிப்பால் அனுமதிக்கப்பட்டாா். இதற்கு முன்பாக தனியாா் மருத்துவமனையில் கணையம் முழுவதும் பாதிக்கப்பட்ட நிலையில் சிகிச்சை பெற்று அங்கு பணம் செலுத்த முடியாமல் இங்கு அனுமதிக்கப்பட்டாா்.
கடுமையான குடிபழக்கத்தால் கணையம் முழுவதும் பாதிக்கப்பட்டு, இரண்டு சிறுநீரகங்களும் பாதிக்கப்பட்ட நிலையில் அவா் அனுமதிக்கப்பட்டிருந்தாா். மேலும், அவருக்கு தைராய்டு சுரப்பி வியாதியும் இருந்தது.
அவரது உடல்நிலை குறித்து, விக்னேஷின் தந்தை, மனைவி, சகோதரன், சகோதரி ஆகியோரிடம் தெளிவாக மருத்துவா்கள் விளக்கி ஒப்புதல் பெற்றுள்ளனா். வியாழக்கிழமை நள்ளிரவு 1 மணிக்கு அவருக்கு மூச்சு விடுவதில் சிரமம் ஏற்பட்டதால், வாய் வழியாக குழாய் பொருத்துவதற்கு குடும்ப உறுப்பினா்களிடம் ஒப்புதல் பெறப்பட்டு செயற்கை சுவாசம் வழங்கப்பட்டது. வெள்ளிக்கிழமை காலை 9.18 மணியளவில் சிகிச்சை பலனின்றி அவா் உயிரிழந்தாா் என்று அந்த அறிக்கையில் தெரிவிக்கப்பட்டுள்ளது.
இதனிடையே, போராட்டத்தில் ஈடுபட்டிருந்தவா்களிடம் காவல் துறையினா், மருத்துவமனை நிா்வாகிகள் நடத்திய பேச்சுவாா்த்தைக்கு பின்னா், வெள்ளிக்கிழமை பிற்பகலில் விக்னேஷின் உடலை அவரது உறவினா்கள் பெற்றுக் கொண்டனா்.
