அன்னதான மையத்தில் அமைக்கப்பட்டுள்ள கியோஸ்க் இயந்திரங்கள் மூலம் அன்னதான அறக்கட்டளைக்கு 50 நாள்களில் ரூ.55 லட்சம் நன்கொடை பெறப்பட்டுள்ளது.
திருமலை திருப்பதி தேவஸ்தான அன்னதான அறக்கட்டளைக்கு ரூ.1 முதல் ரூ.1 லட்சத்துக்குள் நன்கொடை அளிக்க விரும்பும் பக்தா்களுக்காக திருமலையில் உள்ள ஸ்ரீ தரிகொண்டா வெங்கமாம்பா அன்னதான மையத்தில் கியோஸ்க் இயந்திரங்கள் (சுயமாக இயக்கப்படும் ஆன்லைன் கட்டணம்) அமைக்கப்பட்டுள்ளது.
இந்த இயந்திரங்கள் மூலம் அன்னதான அறக்கட்டளைக்கு 50 நாள்களில் ரூ.55 லட்சம் நன்கொடை கிடைத்தது. பெங்களூரில் உள்ள திருச்சானூா் பத்மாவதி தாயாா் கோயில், ஒண்டிமிட்டா கோதண்ட ராமா் கோயில் மற்றும் ஏழுமலையான் கோயிலிலும் இந்தப் பணிகள் தொடங்கப்பட்டன. இந்த மூன்று கோயில்களிலும், 15 நாள்களில், ரூ.5 லட்சம் காணிக்கையாக கிடைத்தது.
பேரூருக்கு அருகில் உள்ள ஸ்ரீ வகுளமாதா கோயிலிலும் சனிக்கிழமை கியோஸ்க் இயந்திரம் அமைக்கப்பட்டது. விஜயவாடா, சென்னை மற்றும் ஹைதராபாதில் உள்ள ஏழுமலையான் கோயில்களில் விரைவில் கியோஸ்க் இயந்திரங்கள் அமைக்கப்படும். தற்போது அன்ன பிரசாதம் அறக்கட்டளைக்கு மட்டுமே நன்கொடை அளிக்க வாய்ப்பு உள்ளது.
இந்த பணிகள் மூலம் தேவஸ்தான கோயில்களில் அனைத்து சேவைகளுக்கும் ரொக்கமில்லா கட்டணம் செலுத்தும் முறையை விரைவில் தேவஸ்தானம் விரைவில் அறிமுகப்படுத்த உள்ளது குறிப்பிடத்தக்கது.
