குஜராத்தில் காவலா் மீது தாக்குதல்: காங்கிரஸ் எம்எல்ஏ, 20 போ் கைது

பதான் (குஜராத்): குஜராத்தில் காவலா் மீது தாக்குதல் நடத்தியது தொடா்பாக மாநில காங்கிரஸ் எம்எல்ஏ கிரீத் படேல் மற்றும் அக்கட்சியினா் 20 போ் கைது செய்யப்பட்டனா்.

பதான் மாவட்டத்தில் உள்ள பல்கலைக்கழக விடுதியில் மாணவா்கள் மது அருந்தியதாக பிரச்னை எழுந்தது. குஜராத்தில் முழு மதுவிலக்கு அமலில் உள்ள நிலையில், பல்கலைக்கழக விடுதியில் மது அருந்திய நிகழ்வுக்கு எதிா்க்கட்சியான காங்கிரஸ் கடும் கண்டனம் தெரிவித்தது.

மேலும், மது அருந்தியதாக பிடிபட்ட 3 மாணவா்கள் மீது காவல் துறை எந்த நடவடிக்கையும் எடுக்கவில்லை என்றும் காங்கிரஸ் குற்றம்சாட்டியது.

இந்த விவகாரத்தை முன்வைத்து காங்கிரஸ் மாணவரணி சாா்பில் போராட்டம் நடத்தப்பட்டது. இதில் பதான் தொகுதி காங்கிரஸ் எம்எல்ஏ கிரீத் படேல், முன்னாள் எம்எல்ஏ சந்தன்ஜி தாக்குா் உள்ளிட்ட காங்கிரஸ் கட்சியினா் பங்கேற்றனா்.

அப்போது, போராட்டத்தில் ஈடுபட்டவா்களை காவல் துறையினா் தடுத்து நிறுத்தினா். இதையடுத்து, எம்எல்ஏ தலைமையிலான குழுவினா் காவல் துறையினருடன் கடும் வாக்குவாதத்தில் ஈடுபட்டனா். அப்போது காவலா்களை தகாத வாா்த்தைகளில் திட்டியதுடன் காவலா் ஒருவரைத் தாக்கினா். இதையடுத்து, எம்எல்ஏ கிரீத் படேல் உள்ளிட்டோா் மீது காவல் துறையினா் வழக்குப் பதிவு செய்தனா். இதில் காங்கிரஸ் நிா்வாகிகள் சிலா் கைது செய்யப்பட்ட நிலையில், எம்எல்ஏ தலைமறைவாக இருந்தாா்.

இந்நிலையில், கிரீத் படேல், முன்னாள் எம்எல்ஏ சந்தன்ஜி தாக்குா் உள்ளிட்ட சிலா் வியாழக்கிழமை காவல் நிலையத்தில் சரணடைந்தனா். இதையடுத்து, அவா்களை காவல் துறையினா் கைது செய்தனா். இந்த வழக்கில் மொத்தம் 21 போ் கைது செய்யப்பட்டதாக காவல் துறை தரப்பில் தெரிவிக்கப்பட்டது.