குண்டடம் ஊராட்சி ஒன்றியத்தில் வருமுன் காப்போம் திட்ட மருத்துவ முகாம்! அமைச்சா் மு.பெ.சாமிநாதன் தொடங்கி வைத்தாா்!

குண்டடம் ஊராட்சி ஒன்றியத்தில் கலைஞரின் வருமுன் காப்போம் திட்டத்தின்கீழ் சனிக்கிழமை நடைபெற்ற இலவச மருத்துவ முகாமை அமைச்சா் மு.பெ.சாமிநாதன் தொடங்கிவைத்தாா்.

திருப்பூா் மாவட்டம், குண்டடம் ஊராட்சி ஒன்றியம், காங்கேயம்பாளையம் ஊராட்சி ஒன்றிய நடுநிலைப் பள்ளியில் நடைபெற்ற இந்த முகாமுக்கு, மாவட்ட ஊரக வளா்ச்சி முகமையின் திட்ட இயக்குநா் கோ.மலா்விழி தலைமை வகித்தாா்.

தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன் முகாமைத் தொடங்கிவைத்துப் பேசியதாவது: வயதானவா்கள், ஆதரவற்றோா் மற்றும் மருத்துவமனைக்கு செல்ல முடியாதவா்கள் பயனடையும் வகையில் வருமுன் காப்போம் திட்டம் சிறப்பாக செயல்படுத்தப்பட்டு வருகிறது.

மக்களைத் தேடி மருத்துவம் திட்டத்தின் மூலம் சா்க்கரை நோயாளிகள், உயா் ரத்த அழுத்தம் மற்றும் பல்வேறு நோய்களில் பாதிக்கப்பட்டவா்களின் இல்லத்துக்கே சென்று மருத்துவா் மற்றும் செவிலியா் சிகிச்சை அளிக்கின்றனா்.

மேலும், படுத்த படுக்கையில் உள்ள நோயாளிகளுக்கு மற்றும் இயன்முறை மருத்துவம் நோய்த் தடுப்பு பராமரிப்பு செவிலியா் மற்றும் இயன்முறை மருத்துவ சிகிச்சையாளா் மூலம் சிகிச்சை அளிக்கப்படுகிறது என்றாா்.

இதைத் தொடா்ந்து, காங்கயம் ஊராட்சி ஒன்றியம், சிவன்மலையில் 15-ஆவது நிதிக் குழு மானியம் மற்றும் ஊராட்சி பொதுநிதி, கனிமம் மற்றும் சுரங்கம் நிதி ஆகிய திட்டங்களின் கீழ் ரூ.22.64 லட்சம் மதிப்பிலான முடிவுற்ற திட்டப்பணிகளை திறந்துவைத்து, ரூ,4.90 லட்சம் மதிப்பிட்டில் ஊராட்சி நிதியிலிருந்து வழங்கப்பட்ட இழுவை இயத்திரத்தினை பொதுமக்கள் பயன்பாட்டுக்கு தொடங்கிவைத்தாா்.

இந்நிகழ்ச்சியில், மாவட்ட சுகாதார அலுவலா் சந்தோஷ்குமாா், காங்கயம் வட்டாட்சியா் மோகனன், காங்கயம் வட்டார வளா்ச்சி அலுவலா்கள் அனுராதா, விமலாவதி, வட்டார மருத்துவ அலுவலா் நாகராஜ், சிவன்மலை ஊராட்சித் தலைவா் துரைசாமி உள்ளிட்ட பலா் கலந்து கொண்டனா்.