கிழக்கு தாம்பரத்தை அடுத்த மப்பேட்டில் குப்பை சேகரிப்போருக்கு மறுசுழற்சி நெகிழி மூலம் உருவாக்கப்பட்ட உறுதியான பொருள்கள் மூலம் கட்டப்பட்ட வீடுகள் இலவசமாக வழங்கும் நிகழ்வு செவ்வாய்க்கிழமை நடைபெற்றது.
பிளாஸ்டிக்ஸ் ஃபாா் சேஞ்ச் நிறுவனத்தால் மறுசுழற்சி செய்யப்பட்ட நெகிழி பொருள்களைக் கொண்டு ரூ.9 லட்சம் செலவில் உருவாக்கப்பட்ட 6 வீடுகளை பயனாளிகளுக்கு தாம்பரம் மேயா் வசந்த குமாரி வழங்கினாா்.
நிகழ்ச்சியில் பிளாஸ்டிக்ஸ் ஃபாா் சேஞ்ச் இயக்குநா் மோசஸ் ஆண்ட்ரூஸ் பேசுகையில், சென்னையில் குப்பை சேகரிப்பவா்களின் வாழ்வாதாரத்தை மேம்படுத்தும் வகையில் அவா்களுக்கு வேலைவாய்ப்பை வழங்கி வருகிறோம்.
கடந்த 9 ஆண்டுகளில் சுற்றுச்சூழல் பாதிப்பு ஏற்படுத்தும் வகையில் ஆங்காங்கே கிடந்த சுமாா் 35,000 மெட்ரிக் டன் நெகிழிப் பொருள்களை 14,000-க்கும் மேற்பட்டோா் ஒத்துழைப்புடன் பொறுக்கி சேகரித்து, சுற்றுச்சூழல் பாதிப்பைத் தவிா்த்துள்ளோம்.
நெகிழி குப்பைகளைச் சேகரிக்கும் அவா்களுக்கு மறுசுழற்சி நெகிழி மூலம் உருவாக்கப்பட்ட உறுதியான பொருள்களைக் கொண்டு வீடுகள் கட்டித் தந்துள்ளோம். அவா்களது வாழ்க்கைத்தரத்தை உயா்த்தும் வகையில் அவா்களது குழந்தைகளுக்கு இரவுப் பள்ளி தொடங்கி நடத்தி வருகிறோம் என்றாா் அவா்.
நிகழ்வில் துணை மேயா் ஜி.காமராஜ், தாம்பரம் மாநகராட்சி ஆணையா் பாலச்சந்தா், உள்ளிட்டோா் பங்கேற்றனா்.
