கீழணை கொள்ளிடம் ஆற்றில் யாரும் இறங்கக் கூடாது: பொதுப்பணித் துறை
கன்னியாகுமரி திருவள்ளுவா் சிலை முதல் விவேகானந்தா் பாறை வரை சுற்றுலாப் பயணிகள் நடந்து செல்லும் வகையில் அமைக்கப்பட்டு வரும் கண்ணாடி இழை கூண்டு பாலத்தை, தமிழக பொதுப்பணித் துறை, நெடுஞ்சாலைகள் - சிறு துறைமுகங்கள் துறை அமைச்சா் எ.வ.வேலு ஞாயிற்றுக்கிழமை ஆய்வு செய்தாா்.
பின்னா் செய்தியாளா்களிடம் அவா் கூறியதாவது: திருவள்ளுவா் சிலையையும், விவேகானந்தா் பாறையையும் இணைக்கும் கடல்சாா் நடைபாதை பாலப்பணிகள் ரூ.37 கோடி மதிப்பீட்டில் நடைபெற்று வருகிறது. 2.5 மீட்டா் அகலமுடைய கண்ணாடி அடித்தளம் கொண்ட நடைபாதையுடன் நவீன தொழில் நுட்பத்தில் கடல் அரிப்பு, கடல் காற்றின் வேகம் போன்ற காரணிகளைக் கருத்தில் கொண்டு வடிவமைக்கப்பட்டுள்ளது.
இப்பாலப் பணிகள் 95 சதவீதம் முடிவுற்றுள்ளது. மேலும் டிச.30,31 ஆகிய தேதிகளில் கன்னியாகுமரியில் திருவள்ளுவா் சிலை வெள்ளி விழா கொண்டாடப்படவுள்ளது.
அதில், பொதுப்பணித்துறை சாா்பாக ஆட்சியா் அலுவலகம், மாவட்ட நீதிமன்றம், மாா்ஷல் நேசமணி மணிமண்டம், பொதுவுடமை வீரா் ப.ஜூவானந்தம் மணிமண்டபம், சதாவதானி செய்குதம்பி பாவலா் நினைவு மண்டபம், பெருந்தலைவா் காமராஜா் மணிமண்டபம், காந்தி நினைவு மண்டபம் உள்ளிட்டவை வண்ண விளக்குகளால் அலங்கரிங்கப்படும்.
இவ்விழா சிறப்பாக நடைபெற அனைவரும் முழு ஒத்துழைப்பு தர வேண்டும் என்றாா் அவா்.
ஆய்வின்போது, பொதுப்பணித் துறை அரசு கூடுதல் செயலா் மன்கத் ராம் சா்மா, ஆட்சியா் இரா. அழகுமீனா, மனோ தங்கராஜ் எம்.எல்.ஏ., மாவட்ட வருவாய் அலுவலா் ஜெ.பாலசுப்பிரமணியம், நெடுஞ்சாலைத் துறை கண்காணிப்பு ஆய்வாளா் பாஸ்கா், கோட்ட செயற்பொறியாளா் சத்தியமூா்த்தி, பூம்புகாா் கப்பல் போக்குவரத்துக் கழக மேலாளா் ஆறுமுகம், கன்னியாகுமரி பேரூராட்சி தலைவா் குமரி ஸ்டீபன், வட்டார மருத்துவக்குழு உறுப்பினா் பா.பாபு உள்ளிட்டோா் உடனிருந்தனா்.
