குற்றாலத்திற்கு குளிக்க வந்த இளைஞா் விபத்தில் பலி

ஆலங்குளம் அருகே நிகழ்ந்த விபத்தில் குற்றாலத்துக்கு குளிக்கச் சென்ற நபா் உயிரிழந்தாா். தூத்துக்குடி சண்முகாபுரம் சாமுவேல் மகன் மணிகண்டன் (29). தூத்துக்குடி முனியசாமிபுரம் மாரியப்பன் மகன் நிஷாந்த் (25).

நண்பா்களான இருவரும் தூத்துக்குடியில் இருந்து குற்றாலத்தில் குளிப்பதற்காக ஒரே பைக்கில் வந்துள்ளனா். வெள்ளிக்கிழமை அதிகாலை ஆலங்குளம் மாறாந்தை சுங்கச்சாவடி வேகத்தடையில் வந்தபோது பைக் நிலைகுலைந்து கீழே விழுந்தது. இதில், மணிகண்டன் சம்பவ இடத்திலேயே உயிரிழந்தாா். நிஷாந்த் காயமடைந்தாா்.

ஆலங்குளம் போலீஸாா் மணிகண்டன் சடலத்தை மீட்டு, திருநெல்வேலி அரசு மருத்துவக் கல்லூரி மருத்துவமனைக்கு உடற்கூறாய்வுக்காக அனுப்பி வைத்தனா். மேலும் வழக்குப் பதிந்து விசாரிக்கின்றனா்.