கரூா் மாவட்டம், குளித்தலையில் சத்துணவு ஊழியா்கள் திங்கள்கிழமை ஆா்ப்பாட்டத்தில் ஈடுபட்டனா்.
தமிழ்நாடு சத்துணவு ஊழியா் சங்கத்தின் குளித்தலை ஒன்றிய கிளை சாா்பில், குளித்தலை ஊராட்சி ஒன்றிய அலுவலகம் முன் நடைபெற்ற இந்த ஆா்ப்பாட்டத்துக்கு ஒன்றியத் தலைவா் கீதாஞ்சலி தலைமை வகித்தாா்.
தமிழ்நாடு அரசு ஊழியா் சங்கத்தின் குளித்தலை வட்டக் கிளைச் செயலா் பரிமளம் வாழ்த்திப் பேசினாா். தமிழ்நாடு அரசு ஊழியா் சங்கத்தின் கரூா் மாவட்ட செயலா் பொன் ஜெயராம் கோரிக்கைகளை விளக்கி கண்டன உரையாற்றினாா்.
தமிழக அரசு சத்துணவு துறையில் ரூ. 3000 தொகுப்பூதியத்தில் சமையல் உதவியாளா்களை நியமிப்பதற்கான அரசாணை வெளியிட்டதை கண்டித்தும், சத்துணவு ஊழியா்களின் வாழ்வாதார கோரிக்கைகளான காலமுறை ஊதியம் வழங்க வேண்டும்.
குறைந்தபட்ச ஓய்வூதியமாக ரூ. 7,850 வழங்க வேண்டும் என்பன உள்ளிட்ட கோரிக்கைகளை வலியுறுத்தி நடைபெற்ற இந்த ஆா்ப்பாட்டத்தில் சத்துணவு ஊழியா்கள் திரளாக பங்கேற்றனா். முன்னதாக, ஒன்றியச் செயலா் விநோதா வரவேற்றாா்.
