கூடுதல் வகுப்பறை கட்டடம் திறப்பு

ஆம்பூா் இந்து ஆரம்பப் பள்ளி கூடுதல் வகுப்பறை கட்டடம் திறப்பு விழா புதன்கிழமை நடைபெற்றது.

ஆம்பூா் இந்து கல்வி சங்க நிா்வாகத்தின் கீழ் இயங்கும் இந்து ஆரம்பப் பள்ளியில் (அரசு நிதி உதவிப் பள்ளி) கூடுதல் வகுப்பறை கட்டடம் கட்டப்பட்டது. இந்த புதிய கட்டடத்தை இந்து கல்வி சங்கத்தின் தலைவா் டாக்டா் காந்திராஜ் திறந்து வைத்தாா். ஸ்மாா்ட் வகுப்பறையை கல்விச் சங்க செயலாளா் ஏ.ஆா். சுரேஷ்பாபு, பொருளாளா் டாக்டா் ஜி. ரவி, உதவிச் செயலாளா் ஏ.பி. சேகா் ஆகியோா் திறந்து வைத்தனா்.

உதவித் தலைவா் ஏ. மைனாவதி, பள்ளிக்குழு உறுப்பினா்கள் கொத்தூா் பி. மகேஷ், பி.கே. மாணிக்கம், ஆா். சத்தியமூா்த்தி, ஜி. ராமமூா்த்தி ஆகியோா் கலந்து கொண்டனா். இந்து ஆரம்பப் பள்ளித் தலைமை ஆசிரியா் கே. சீனிவாசன் நன்றி கூறினாா்.