கொடைக்கானல் அருகே வியாழக்கிழமை 200 அடி பள்ளத்தில் ஜீப் கவிழ்ந்ததில் இளம் பெண் உயிரிழந்தாா். இந்த விபத்தில் பலத்த காயமடைந்த இளைஞரை மீட்டு சிகிச்சை அளித்து வருகின்றனா்.
திண்டுக்கல் மாவட்டம், கொடைக்கானல் அருகேயுள்ள பெருமாள்மலையைச் சோ்ந்த செல்லத்துரை மகன் ராஜசேகா் (28). இவரது தங்கை திருமணம் கடந்த புதன்கிழமை பெருமாள்மலைப் பகுதியில் நடைபெற்றது.
இந்த திருமணத்துக்காக கோவையைச் சோ்ந்த தீபிகா (22) புதன்கிழமை வந்தாா். ராஜசேகரும், தீபிகாவும் காதலித்து வந்தததாகக் கூறப்படுகிறது.
இந்த நிலையில் வியாழக்கிழமை இருவரும் ஜீப்பில் அடுக்கம் பகுதியிலுள்ள சுற்றுலா இடங்களை பாா்க்கச் சென்றனா். ஜீப்பை ராஜசேகா் ஓட்டினாா். இந்த நிலையில், அடுக்கம் -பாலமலைப் பகுதியில் சென்ற போது கட்டுப்பாட்டை இழந்த ஜீப் அருகேயுள்ள 200 அடிப் பள்ளத்தில் கவிழ்ந்தது.
இந்த விபத்தில் சம்பவ இடத்திலேயே தீபிகா உயிரிழந்தாா். பலத்த காயமடைந்த ராஜசேரை மீட்டு கொடைக்கானல் அரசு மருத்துவமனைக்கு அனுப்பி வைத்தனா். அங்கு முதலுதவி சிகிச்சைக்குப் பிறகு, அவரை தீவிர சிகிச்சைக்காக தேனி அரசு மருத்துவக் கல்லூரி மருத்துவமனைக்கு அனுப்பி வைத்தனா். இதுகுறித்து கொடைக்கானல் போலீஸாா் வழக்குப் பதிந்து விசாரிக்கின்றனா்.
