கொன்னையூா் முத்துமாரியம்மன் கோயிலில் ஆன்மிக புத்தக நிலையம்: காணொலி காட்சியில் முதல்வா் திறந்துவைத்தாா்

புதுக்கோட்டை மாவட்டம், பொன்னமராவதி அருகே உள்ள கொன்னையூா் முத்துமாரியம்மன் கோயிலில் ஆன்மிக புத்தக நிலையத்தை முதல்வா் மு.க. ஸ்டாலின் சென்னையிலிருந்து காணொலி காட்சி மூலம் வெள்ளிக்கிழமை திறந்துவைத்தாா்.

தமிழகத்தில் 100 கோயில்களில் இந்து சமய அறநிலையத் துறை சாா்பில், பக்தா்கள் பயன்பெறும் வகையில் ஆன்மிக நூல்கள் அடங்கிய ஆன்மிக புத்தக நிலையங்களை காணொலி காட்சி மூலம் தமிழக முதல்வா் மு.க. ஸ்டாலின் சென்னையிலிருந்து திறந்துவைத்தாா்.

இதன்படி, பொன்னமராவதி அருகே உள்ள கொன்னையூா் முத்துமாரியம்மன் கோயிலில் திறக்கப்பட்ட ஆன்மிக புத்தக நிலையத்தில் திமுக ஒன்றியச் செயலா் அ. அடைக்கலமணி முதல் விற்பனையை தொடங்கிவைத்தாா்.

கோயில் செயல் அலுவலா் ம.ஜெயா, பொன்னமராவதி நகர காங்கிரஸ் தலைவா் எஸ். பழனியப்பன், முன்னாள் ஊராட்சித் தலைவா் மேனகா, ஊா் முக்கியஸ்தா் செல்வம் உள்ளிட்டோா் பங்கேற்றனா்.