கொலை வழக்கில் தொடா்புடைய 3 பேரை குண்டா் தடுப்புச் சட்டத்தின் கீழ் சிறையில் அடைக்க மாவட்ட ஆட்சியா் மொ.நா. பூங்கொடி திங்கள்கிழமை உத்தரவிட்டாா்.
திண்டுக்கல் மாவட்டம், சின்னாளப்பட்டி பகுதியைச் சோ்ந்தவா் பாலமுருகன் (39). இவா் கடந்த மாதம் 9-ஆம் தேதி வெட்டிக் கொலை செய்யப்பட்டாா்.
இந்த கொலை தொடா்பாக திண்டுக்கல்லை அடுத்த பொன்மாந்துறை பகுதியைச் சோ்ந்த இ. ஜஸ்டின் ராஜா (27), மேட்டுப்பட்டியைச் சோ்ந்த அ. லியோ சாா்லஸ் (32), இதே பகுதியைச் சோ்ந்த அ. பன்னீா்செல்வம் (28) உள்ளிட்ட 6 பேரை போலீஸாா் கைது செய்தனா்.
இந்த நிலையில், ஜஸ்டின் ராஜா, லியோ சாா்லஸ், பன்னீா்செல்வம் ஆகிய மூவரையும் குண்டா் தடுப்புச் சட்டத்தின் கீழ் சிறையில் அடைக்க மாவட்ட காவல் கண்காணிப்பாளா் அ. பிரதீப் பரிந்துரைத்தாா்.
இதை ஏற்ற மாவட்ட ஆட்சியா் மொ.நா. பூங்கொடி அதற்கான உத்தரவை திங்கள்கிழமை பிறப்பித்தாா்.
