பிரதமர் மோடிக்கு தமிழ்நாட்டில் இடமில்லை: முதல்வர் மு.க.ஸ்டாலின்
கோடைகாலம் தீவிரமடைந்துள்ள நிலையில், கன்னியாகுமரி மாவட்டம், கோழிப்போா்விளையில் ஒரேநாளில் 190 மி.மீ. மழை பதிவாகியுள்ளது. மேலும், தமிழகத்தில் ஞாயிற்றுக்கிழமை (ஏப். 6) கோவை உள்பட 5 மாவட்டங்களில் கனமழை பெய்யும் என்று சென்னை வானிலை ஆய்வு மையம் தெரிவித்துள்ளது.
இதுகுறித்து வானிலை மையம் சாா்பில் வெளியிடப்பட்ட செய்திக் குறிப்பு:
தென்கிழக்கு வங்கக் கடலில் வளிமண்டல கீழடுக்கு சுழற்சி நிலவுகிறது. இதன் காரணமாக, தமிழகத்தில் பல்வேறு இடங்களில் ஆங்காங்கே பலத்த மழை பெய்து வருகிறது.
190 மி.மீ. மழை: தமிழகத்தில் சனிக்கிழமை காலை வரை பதிவான மழை அளவுப்படி அதிகபட்சமாக கன்னியாகுமரி மாவட்டம், கோழிப்போா்விளையில் 190 மி.மீ. மழை பதிவாகியுள்ளது. மேலும், கோபிசெட்டிபாளையம் (ஈரோடு) - 150 மி.மீ., திருப்பூா் ஆட்சியா் அலுவலகம், அடையாமடை (கன்னியாகுமரி), பேச்சிப்பாறை (கன்னியாகுமரி) - தலா 130 மி.மீ., ஊத்துக்குளி (திருப்பூா்) - 120 மி.மீ., திருப்பூா் வடக்கு தாலுகா அலுவலகம் - 110 மி.மீ., குளச்சல் (கன்னியாகுமரி), எலந்தகுட்டை மேடு (ஈரோடு), திருப்பூா் தெற்கு - தலா 100 மி.மீ. மழை பதிவானது.
கனமழைக்கு வாய்ப்பு: காற்று சுழற்சி காரணமாக, ஞாயிற்றுக்கிழமை (ஏப். 6) முதல் 11-ஆம் தேதி வரை தமிழகத்தில் அநேக இடங்களிலும், புதுச்சேரி, காரைக்கால் ஆகிய பகுதிகளிலும் இடி, மின்னல் மற்றும் காற்றுடன் கூடிய மிதமான மழைக்கு வாய்ப்புள்ளது. இதில் ஏப். 6-இல் கோவை மாவட்ட மலைப் பகுதிகளிலும், நீலகிரி, தேனி, திண்டுக்கல், தென்காசி ஆகிய மாவட்டங்களில் ஓரிரு இடங்களிலும் கனமழைக்கு வாய்ப்புள்ளது.
மீனவா்களுக்கான எச்சரிக்கை: ஏப். 6 முதல் 9-ஆம் தேதி வரை வங்கக் கடலில் மணிக்கு 55 கி.மீ. வேகத்தில் காற்று வீசக்கூடும். இதனால் மீனவா்கள் இப்பகுதிகளுக்கு மீன்பிடிக்கச் செல்ல வேண்டாம் எனத் தெரிவிக்கப்பட்டுள்ளது.
