கோத்தகிரி அருகேயுள்ள ஈளாடா கதகட்டி பகுதியில் காட்டு யானை நடமாட்டம் உள்ளதால் விவசாயிகள், தோட்டத் தொழிலாளா்கள் கவனமுடன் இருக்க வனத் துறையினா் எச்சரித்துள்ளனா்.
நீலகிரி மாவட்டம், கோத்தகிரி அருகேயுள்ள ஈளாடா கதகட்டி பகுதியில் ஒற்றை காட்டு யானை திங்கள்கிழமை நடமாடுவதாக வனத் துறைக்கு தகவல் கிடைத்தது.
ஈளாடா அடுத்துள்ள வனப் பகுதியில் இருந்து வெளியேறிய இந்த காட்டு யானை, ஈளாடா மற்றும் அதனை சுற்றியுள்ள மலைத்தோட்ட காய்கறிகள், தேயிலைத் தோட்டங்களில் உலவி வருகிறது.
எனவே, விவசாயப் பணிக்கு செல்பவா்கள் கவனமுடன் இருக்குமாறு வனத் துறையினா் எச்சரிக்கை விடுத்துள்ளனா்.
காட்டு யானை குடியிருப்பு பகுதிக்குள் வராமல் 24 மணி நேரமும் தீவிர கண்காணிப்பில் ஈடுபட்டு வருவதாக வனத் துறையினா் தெரிவித்துள்ளனா்.
