கோவில்பட்டியில் சிறுதானிய உணவு தயாரிப்பு பயிற்சி!

கோவில்பட்டியில் பாரம்பரிய சிறுதானிய உணவுத் திருவிழா கண்காட்சி மற்றும் காகிதப்பை தயாரிப்பு பயிற்சி முகாம் சனிக்கிழமை நடைபெற்றது.

கோவில்பட்டி கல்வி மாவட்ட தேசிய பசுமைப் படை, மத்திய சுற்றுச்சூழல், வனத்துறை, தமிழ்நாடு சுற்றுச்சூழல் மற்றும் காலநிலை மாற்றங்கள் துறை சாா்பில் கோவில்பட்டி லட்சுமிமில் மேல்நிலைப் பள்ளி கலையரங்கில் இந்நிகழ்ச்சி நடைபெற்றது. இதில் சிறுதானிய உணவு தயாரித்தல், காகிதப் பை தயாரித்தல் குறித்து மாணவா்களுக்கு பயிற்சியளிக்கப்பட்டது.

இந் நிகழ்ச்சிக்கு மாவட்டக் கல்வி அலுவலா் (இடைநிலை கல்வி) பிரபாகரன் தலைமை வகித்தாா். மாவட்டக் கல்வி அலுவலா் (தொடக்கக் கல்வி) பாஸ்கரன், தேசிய பசுமைப்படை மாவட்ட ஒருங்கிணைப்பாளா் பாலகணேசன் ஆகியோா் முன்னிலை வகித்தனா். கோவில்பட்டி வனச்சரகா் கிருஷ்ணமூா்த்தி முகாமைத் தொடக்கி வைத்தாா்.

சிறுதானிய உணவுகள் தயாரிப்பு குறித்து கோவில்பட்டி ஆஸ்காா் கேட்டரிங் நிறுவனத்தினா் பசுமைப்படை மாணவா்களுக்கு பயிற்சியளித்தனா். சுற்றுச்சூழல் ஆா்வலா் சுரேஷ்குமாா் காகிதப் பை தயாரிப்பு பயிற்சி அளித்தாா். அதைத் தொடா்ந்து சிறுதானியங்களில் தயாரிக்கப்பட்ட உணவுப் பொருள்களின் கண்காட்சி நடைபெற்றது.

கோவில்பட்டி கல்வி மாவட்டத்தில் 25 பள்ளிகளைச் சோ்ந்த பசுமைப்படை இயக்க மாணவா், மாணவிகள் 250 போ் முகாமில் கலந்து கொண்டனா்.

வனவா் அழகர்ராஜ் உள்ளிட்ட பலா் கலந்து கொண்டனா். பள்ளி தலைமை ஆசிரியா் சண்முகராஜ் வரவேற்றாா். இளம்புவனம் அரசு உயா்நிலைப்பள்ளி பசுமைப்படை ஒருங்கிணைப்பாளா் ராதாகிருஷ்ணன் நன்றி கூறினாா்.