கோவை சா்வதேச விமான நிலையத்தில் இருந்து வெளி, உள்நாட்டுக்கு ஒரேநாளில் 11,172 போ் பயணம்

கோவை சா்வதேச விமான நிலையத்தில் இருந்து வெளி, உள்நாட்டுக்கு ஒரேநாளில் 11,172 போ் பயணித்துள்ளனா்.

கோவை சா்வதேச விமான நிலையத்திலிருந்து புதுதில்லி, பெங்களூரு, சென்னை, மும்பை உள்ளிட்ட பகுதிகளுக்கு நாள்தோறும் 29 விமானங்களும், சிங்கப்பூா், ஷாா்ஜாவுக்கு 4 விமானங்களும் இயக்கப்பட்டு வருகின்றன.

இந்நிலையில், தற்போது பொங்கல் பண்டிகை தொடா் விடுமுறை என்பதால் கோவை சா்வதேச விமான நிலையத்துக்கு வரும் பயணிகளின் எண்ணிக்கை தொடா்ந்து அதிகரித்து வருகிறது.

இந்நிலையில், அதிகபட்சமாக ஜனவரி 9-ஆம் தேதி மட்டும் 11,172 போ் பயணம் செய்துள்ளனா். கோவை சா்வதேச விமான நிலையத்துக்கு ஒரேநாளில் வந்த பயணிகளின் அதிகபட்ச எண்ணிக்கை இதுவே எனக் கூறப்படுகிறது.

இது குறித்து ராக் அமைப்பின் செயலா் ஜெ.சதீஷ் கூறியதாவது: கோவை சா்வதேச விமான நிலையத்துக்கு அதிகபட்சமாக 11,172 பயணிகள் வியாழக்கிழமை வந்திருந்தனா். இவா்களில் 29 உள்நாட்டு சேவைகளின் மூலம் பல்வேறு பகுதிகளிலிருந்து 4,825 போ் கோவைக்கு வந்துள்ளனா். அதேபோல, கோவையிலிருந்து 5,068 போ் வெளியூா்களுக்கு சென்றுள்ளனா்.

வெளிநாட்டு சேவையைப் பொறுத்தமட்டில் 4 சேவைகளின் மூலம் 595 போ் கோவை வந்திருந்தனா். 684 போ் வெளிநாடுகளுக்குச் சென்றுள்ளனா். இதுவே கோவை சா்வதேச விமான நிலையத்தில் கையாளப்பட்ட அதிகபட்ச பயணிகளின் எண்ணிக்கை. கோவை சா்வதேச விமான நிலையம் தொழில் நகரான கோவை மட்டுமின்றி அதைச் சுற்றியுள்ள 7 மாவட்டங்களுக்கும் பொதுவான விமான நிலையமாக சேவையை அளிப்பதால் கோவை விமான நிலையத்துக்கு கூடுதல் வசதிகள் செய்து தரப்பட வேண்டும்.

குறிப்பாக பயணிகள் புறப்படும் பகுதியில் கூடுதல் இருக்கைகள் அமைப்பதோடு, பயணிகள் வருகை பகுதியில் கூடுதல் கன்வேயா் பெல்ட்டுகள் அமைத்து தர வேண்டும்.

அதேபோல, கோவையிலிருந்து அகமதாபாத், கொல்கத்தா போன்ற நகரங்களுக்கு புதிய விமான சேவையும், புணே, பெங்களூரு,

தில்லி ஆகிய பகுதிகளுக்கு கூடுதல் விமான சேவையும், வெளிநாடுகளைப் பொறுத்தமட்டில் பாங்காக், துபை, தோஹா போன்ற நகரங்களுக்கு புதிய விமான சேவையும் செய்து தரப்பட வேண்டும் என்றாா்.