கோவை ரயில் நிலையத்தில் கிடந்த கஞ்சா மூட்டை

கோவை ரயில் நிலையத்தில் கிடந்த கஞ்சா மூட்டையை போலீஸாா் மீட்டு விசாரணை நடத்தி வருகின்றனா்.

கோவை ரயில் நிலையத்தில் உள்ள 1-ஆவது நடைமேடையில் வியாழக்கிழமை ஒரு மூட்டை கிடந்தது. இதையடுத்து, ரயில்வே போலீஸாா் அங்கு சென்று பாா்த்தனா். அந்த மூட்டையில் கஞ்சா இருந்தது தெரியவந்தது. இதுகுறித்து மதுவிலக்கு போலீஸாருக்கு தகவல் தெரிவிக்கப்பட்டது.

காவல் உதவி ஆய்வாளா் ஜெசிஸ் உதயராஜ் உள்ளிட்ட போலீஸாா் அங்கு சென்று அந்த கஞ்சா மூட்டையைக் கைப்பற்றி விசாரணை நடத்தினா். அதில் 2 கிலோ 270 கிராம் கஞ்சா இருந்தது தெரியவந்தது.

இதுகுறித்து போலீஸாா் கூறுகையில், ரயிலில் கஞ்சாவை கடத்தி வந்தவா் நடைமேடையில் போலீஸாா் தீவிரமாக சோதனையில் ஈடுபட்டுள்ளதைப் பாா்த்து பயந்து அதை அங்கேயே போட்டுவிட்டுச் சென்றிருக்கலாம். இந்த கஞ்சா மூட்டையை இங்கு போட்டு சென்றவா் யாா்? எந்த ரயிலில் கடத்தப்பட்டது என்பது குறித்து இங்குள்ள கண்காணிப்பு கேமரா பதிவுகளை ஆய்வு செய்து வருகிறோம் என்றனா்.