சேலம் ரயில்வே கோட்டத்துக்கு உள்பட்ட பல்வேறு பகுதிகளில் ரயில் பாதையில் பராமரிப்புப் பணிகள் மேற்கொள்ளப்படுவதால், கோவை ரயில்கள் பகுதியாக ரத்து செய்யப்படுவதாக ரயில்வே நிா்வாகம் சாா்பில் தெரிவிக்கப்பட்டுள்ளது.
இதுதொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு:
பராமரிப்புப் பணிகள் காரணமாக ஆகஸ்ட் 2 மற்றும் 26 ஆகிய தேதிகளில் இயக்கப்படும் கண்ணூா் - கோவை விரைவு ரயில் (எண்: 16607) பாலக்காடு வரை மட்டுமே இயக்கப்படும். பாலக்காடு - கோவை இடையே ரத்து செய்யப்படுகிறது. சனிக்கிழமை (ஆகஸ்ட் 2) மேட்டுப்பாளையத்தில் இருந்து பிற்பகல் 1.05 மணிக்குப் புறப்படும் மேட்டுப்பாளையம் - போத்தனூா் மெமு ரயில் (எண்: 66615) மேட்டுப்பாளையம் - கோவை இடையே மட்டுமே இயக்கப்படும். கோவை - போத்தனூா் இடையே இயக்கப்படாது. சனிக்கிழமை (ஆகஸ்ட் 2) பிற்பகல் 2.30 மணிக்குப் புறப்படும் கோவை - மதுரை விரைவு ரயில் (எண்: 16721) பொள்ளாச்சியில் இருந்து பிற்பகல் 3.30 மணிக்கு மதுரைக்குப் புறப்பட்டுச் செல்லும். சனிக்கிழமை (ஆகஸ்ட் 2) போத்தனூரில் இருந்து மாலை 3.30 மணிக்குப் புறப்படும் போத்தனூா் - மேட்டுப்பாளையம் மெமு ரயில் (எண்: 66616), கோவையில் இருந்து 3.45 மணிக்கு மேட்டுப்பாளையத்துக்கு புறப்பட்டுச் செல்லும்.
இதேபோல, ஆகஸ்ட் 8-ஆம் தேதி, எா்ணாகுளம் - பெங்களூரு ரயில் (எண்: 12678) கோவை வழியாக இயக்கப்படாமல், போத்தனூா், இருகூா் வழியாக இயக்கப்படும். இதனால், இந்த ரயில் கோவை ரயில் நிலையம் செல்வது தவிா்க்கப்படும் என அதில் தெரிவிக்கப்பட்டுள்ளது.
