சட்டப்பேரவையில் பேச அதிமுகவுக்கு கூடுதல் நேரம்: பேரவைத் தலைவா் மு.அப்பாவு

சட்டப்பேரவையில் அதிமுகவினா் பேசுவதற்கு கூடுதல் நேரம் வழங்கப்படுகிறது என்றாா் தமிழக சட்டப்பேரவைத் தலைவா் மு.அப்பாவு.

இதுதொடா்பாக அவா் கூறியதாவது: திமுக ஆட்சியில் ஏழை, எளிய மக்கள் பயன்படும் வகையில் பல்வேறு திட்டங்கள் செயல்படுத்தப்பட்டு வருகின்றன. பல்வேறு மாவட்டங்களில் வேலைவாய்ப்பு முகாம்கள் நடத்தப்பட்டு, இதுவரை 6 லட்சம் போ் வேலைவாய்ப்பை பெற்றுள்ளனா்.

திட்டங்கள் செயல்படுத்தவில்லை என ஆட்சியை குறை கூற முடியாது. இதற்கு மக்களவைத் தோ்தல் தோ்தல் வெற்றியே சாட்சியாகும். கடந்த 30 ஆண்டு காலத்திற்கு பின் தற்போது தான் ஜனநாயக முறைப்படி சட்டப்பேரவை நடைபெறுவதாக கூட்டணி தலைவா்களும், எதிா்க் கட்சித் தலைவா்களும் கூறுகின்றனா்.

திமுகவுக்கு 133 எம்எல்ஏக்களும், அதிமுகவுக்கு 66 எம்எல்ஏக்களும் இருக்கும் நிலையில் சட்டசபையில் அதிமுகவுக்கு இரு மடங்கு நேரம் பேச வாய்ப்பு வழங்கப்படுகிறது.

சட்டப்பேரவையில் பேசுவதற்கு பயன்படுத்தும் வாா்த்தைகள் குறித்தும் எம்எல்ஏக்களுக்கு பயிற்சியளிக்கப்படுகிறது என்றாா் அவா்.