மேற்குத் தொடா்ச்சி மலைப் பகுதியில் பலத்த மழை பெய்யும் என எச்சரிக்கை விடுக்கப்பட்டதால், சதுரகிரி சுந்தரமகாலிங்கம் கோயிலுக்கு பக்தா்கள் செல்ல ஞாயிறு, திங்கள்கிழமை (மே 25, 26) ஆகிய இரு நாள்களுக்கு தடை விதிக்கப்பட்டது.
இதுகுறித்து ஸ்ரீவில்லிபுத்தூா் மேகமலை புலிகள் காப்பக துணை இயக்குநா் தேவராஜ் சனிக்கிழமை வெளியிட்ட செய்திக் குறிப்பு:
மேற்குத் தொடா்ச்சி மலையை ஒட்டிய பகுதிகளில் ஞாயிறு, திங்கள்கிழமை பலத்த மழை பெய்யும் என வானிலை ஆய்வு மையம் அறிவித்தது. எனவே, பக்தா்கள், பொதுமக்களின் பாதுகாப்பு கருதி, மேற்குத் தொடா்ச்சி மலையில் உள்ள தாணிப்பாறை, சாஸ்தா கோயில், அய்யனாா் கோயில், செண்பகத்தோப்பு, ராக்காச்சி அம்மன் கோயிலுக்குச் செல்ல இந்த இரு நாள்களும் தடை விதிக்கப்படுகிறது என்றாா் அவா்.
சனி பிரதோஷம்: முன்னதாக, சதுரகிரி சுந்தரமகாலிங்கம் கோயிலில் வைகாசி சனி பிரதோஷத்தை முன்னிட்டு, ஏராளமான பக்தா்கள் மலையேறிச் சென்று சுவாமி தரிசனம் செய்தனா். பின்னா், மாலை 4 மணிக்கு மேல் சுந்தரமகாலிங்கம், சந்தனமகாலிங்கம் கோயிலில் பிரதோஷ சிறப்பு வழிபாடும், அபிஷேகமும் நடைபெற்றன. கோயில் நிா்வாகம் சாா்பில் பக்தா்களுக்கு அன்னதானம் வழங்கப்பட்டது.
சனி பிரதோஷத்தை முன்னிட்டு, மூவரைவென்றான் மலைக்கொழுந்தீஸ்வரா் கோயிலில் நந்திக்கு பால், சந்தனம், தயிா், விபூதி உள்ளிட்ட 16 வகையான பொருள்களால் அபிஷேகம், சிறப்பு வழிபாடுகள் நடைபெற்றன.
இதேபோல, மடவாா்வளாகம் வைத்தியநாத சுவாமி கோயிலில் பிரதோஷத்தை முன்னிட்டு சிறப்பு வழிபாடு நடைபெற்றது.
