விருதுநகா் மாவட்டம், திருத்தங்கலில் மூதாட்டியிடம் நகை பறித்த பெண் உள்பட 4 பேரை போலீஸாா் சனிக்கிழமை கைது செய்தனா்.
திருத்தங்கல் பாண்டியன் நகரைச் சோ்ந்தவா் சந்திரா (71). இவா் கடந்த 10-ஆம் தேதி நாடாா் நந்தவனத் தெருவில் நடந்து சென்றாா். அப்போது, இரு சக்கர வாகனத்தில் வந்த மா்ம நபா்கள் அவரை வழிமறித்து, போலீஸ் என அவரிடம் அறிமுகம் செய்து, தங்க நகை அணிந்து தனியாக நடந்து செல்லக்கூடாது என மூதாட்டியிடம் அறிவுறுத்தினா். மேலும், அவா் அணிந்திருந்த 5 பவுன் தங்கச் சங்கிலியை வாங்கி காகிதத்தில் மடித்து அவரிடம் கொடுத்தனா். பின்னா், அவா் வீட்டுக்கு வந்து பாா்த்தபோது, காகிதத்தில் கவரிங் நகை இருந்தது தெரியவந்தது.
இதுகுறித்து திருத்தங்கல் போலீஸாா் வழக்குப் பதிவு செய்து விசாரணை நடத்தினா். பின்னா், அந்தப் பகுதியில் பொருத்தப்பட்டிருந்த கண்காணிப்பு கேமராவில் பதிவான காட்சிகளின் அடிப்படையில், மதுரை மாவட்டம், திருமங்கலம் கலைஞா் குடியிருப்பைச் சோ்ந்த முகமது ஈஷா (24), வாசித் உசேன் (48), இவரது மனைவி பரீதாபீவி (44), தூத்துக்குடி மாவட்டம், கோவில்பட்டியைச் சோ்ந்த நகை ஆசாரி ஆறுமுகம் (34) ஆகிய 4 பேரையும் போலீஸாா் சனிக்கிழமை கைது செய்து, அவா்களிடமிருந்த நகையை மீட்டனா்.
ு
