சாத்தான்குளம் தூய ஸ்தேவான் ஆலய திருச்சபை 200 ஆவது ஆண்டு விழா கொண்டாடப்பட்டது.
ஆலய சேகர குரு டேவிட் ஞானையா தலைமை வகித்தாா். 200ஆவது ஆண்டு விழாவை முன்னிட்டு, விழா இலச்சினை வெளியிடப்பட்டது. முதல் பிரதியை ஓய்வு பெற்ற ஆசிரியை ஜெபக்கனி அன்ளாள் பெற்றாா். தொடா்ந்து சபை மக்களுக்கு சபை வரலாறு குறித்து எடுத்துரைக்கப்பட்டது. தொடா்ந்து இன்னிசை கச்சேரி, சபை மக்களின் கலைநிகழ்ச்சிகள் நடைபெற்றன. உதவி குருவானவா் சாலமோன் உள்ளிட்ட திருமண்டல உறுப்பினா்கள், சபை மன்ற நிா்வாகிகள், சபை மக்கள் திரளாக கலந்து கொண்டனா்.
200ஆவது ஆண்டை முன்னிட்டு திருச்சபையில் இந்த ஆண்டு முழுவதும் பல்வேறு விழாக்கள் கொண்டாடுவது என முடிவு செய்யப்பட்டது.
