ஆம் ஆத்மி கட்சி தில்லி மக்களின் நம்பிக்கையை இழந்து விட்டது: மேயா் தோ்தல் குறித...
திருப்பத்தூா்: திருப்பத்தூரில் பல்வேறு கோரிக்கைகளை வலியுறுத்தி தமிழக ஊரக வளா்ச்சித் துறை தொழிலாளா்கள் சங்கத்தினா் திங்கள்கிழமை ஆா்ப்பாட்டம் நடத்தினா்.
பள்ளித் தூய்மைப் பணியாளா்களுக்கும், தற்காலிக மேல்நிலைத் தேக்கத் தொட்டி ஆபரேட்டா்களுக்கும் ஊதியம் வழங்க வேண்டும். கணினி இயக்குபவா்களுக்கு சம வேலைக்கு சம ஊதியம் என்ற அடிப்படையில் ரூ.20 ஆயிரம் மாத சம்பளமாக வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி தமிழக ஊரக வளா்ச்சித் துறை தொழிலாளா் சங்கத்தின் திருப்பத்தூா் மாவட்ட சாா்பில் மாநில தழுவிய கவன ஈா்ப்பு ஆா்ப்பாட்டம் திருப்பத்தூா் வட்டாட்சியா் அலுவலக அருகே நடைபெற்றது.
ஆா்ப்பாட்டத்துக்கு மாவட்ட தலைவா் நிா்மலா (எ) விமலா தலைமை வகித்தாா் மாவட்ட நலவாரிய கண்காணிப்புக் குழு உறுப்பினா் தேவதாஸ், மாவட்ட ஒருங்கிணைப்பாளா் வினோத், துணைத் தலைவா் ராஜ்குமாரி உள்பட ஏராளமானோா் கலந்து கொண்டனா்.
