அதிமுக வாக்குச் சாவடி முகவா்கள் ஆலோசனைக் கூட்டம்: முன்னாள் அமைச்சா் பங்கேற்பு

ஆம்பூா்: ஆம்பூா் அருகே தேவலாபுரம் கிராமத்தில் அதிமுக வாக்குச் சாவடி முகவா்கள் ஆலோசனைக் கூட்டம் ஞாயிற்றுக்கிழமை நடைபெற்றது.

அதிமுக முன்னாள் மாவட்ட விவசாய பிரிவு செயலா் தேவலாபுரம் வெங்கடேசன் தலைமை வகித்தாா். மாதனூா் மேற்கு ஒன்றிய செயலா் பொறியாளா் ஆா். வெங்கடேசன் முன்னிலை வகித்தாா். திருப்பத்தூா் மாவட்டச் செயலரும், முன்னாள் அமைச்சருமான கே.சி. வீரமணி சிறப்புரையாற்றினாா்.

அவா் பேசுகையில், அதிமுக ஆட்சியில் கொண்டு வந்த பல திட்டங்கள் கிடப்பில் போடப்பட்டுள்ளது. முதியோா் ஓய்வூதியத் தொகையை பலருக்கு நிறுத்தியுள்ளனா். அதனால் முதியவா்கள் பாதிப்புக்கு உள்ளாகியுள்ளனா். தோ்தலின்போது அதிமுகவினா் கடுமையாக உழைக்க வேண்டும், திமுகவுக்கு சரியான பாடம் புகட்ட வேண்டும் என்றாா்.

ஆம்பூா் நகர அதிமுக செயலா் எம்.மதியழகன், மாநில ஜெயலலிதா பேரவை துணைச் செயலா் வழக்குரைஞா் ஜி.ஏ. டில்லிபாபு, திருப்பத்தூா் மாவட்ட ஜெயலலிதா பேரவை செயலா் கே. மணி, தகவல் தொழில்நுட்பப் பிரிவு மாவட்ட செயலாளா் வெ. கோபிநாத், பொருளாளா் ஆனந்தபாபு, முன்னாள் ஒன்றியக் குழுத் தலைவா் பொகளூா் டி.பிரபாகரன் உள்ளிட்ட பலா் கலந்து கொண்டனா்.