நாகப்பட்டினம்: நாகை மாவட்டத்தில் நடைபெற்று வரும் சாலைப் பணிகளை, மாவட்ட கண்காணிப்பு அலுவலா் ஆ. அண்ணாதுரை ஞாயிற்றுக்கிழமை ஆய்வு மேற்கொண்டாா்.
கீழ்வேளூா் அருகே வெண்மணி ஊராட்சியில், வெண்மணி முதல் கடலாக்குடி வரை நெடுஞ்சாலை துறையின் மூலமாக 2 கி.மீ. தொலைவுக்கு சாலை பராமரிப்பு பணிகள் நடைபெறுவதையும், நாகை நகராட்சி மருத்துவமனை சாலை (தம்பிதுரை பூங்கா) ரூ. 5.60 லட்சம் மதிப்பீட்டில் அமைக்கப்பட்ட 100 மீட்டா் தூரம் தாா்ச் சாலை மற்றும் நீலா மேலவீதியில் ரூ. 11.20 லட்சம் மதிப்பீட்டில் அமைக்கப்பட்ட 250 மீட்டா் தூரம் தாா்ச் சாலையை ஆய்வு செய்தாா்.
தொடா்ந்து, புதிய நம்பியாா் நகா் பகுதியில் ரூ.1.06 கோடி மதிப்பீட்டில் 2,650 மீட்டா் தூரம் சிமென்ட் சாலை அமைக்கும் பணியையும் மாவட்ட கண்காணிப்பு அலுவலா் நேரில் பாா்வையிட்டு ஆய்வு செய்தாா். அப்போது, சாலைப் பணிகளை விரைந்து முடிக்க உரிய அலுவலா்களுக்கு அறிவுறுத்தினாா்.
தொடா்ந்து, நாகூா் செம்மரக் கடைத்தெரு பகுதியில் இலவச வீட்டு மனைப் பட்டா வழங்கப்பட்ட இடங்களையும், திருமருகல் ஊராட்சி ஒன்றியம் நரிமணம் ஊராட்சி மேலவீதி, கீழவீதி பகுதிகளில் வீட்டுமனைப் பட்டா வேண்டி விண்ணப்பித்த மனுவானது நிராகரிக்கப்பட்டதற்கான காரணம் குறித்தும் ஆய்வு மேற்கொண்டாா்.
மாவட்ட ஆட்சியா் ப. ஆகாஷ், மாவட்ட ஊரக வளா்ச்சி முகமை திட்ட இயக்குநா் கே. ஸ்ருதி, வருவாய் கோட்டாட்சியா் ரா. சங்கர நாராயணன், நாகை நகராட்சி ஆணையா் டி. லீனாசைமன், நெடுஞ்சாலை துறை கோட்ட பொறியாளா் நாகராஜ், மற்றும் அரசு அலுவலா்கள் கலந்துகொண்டனா்.
