சாலையோரத்தில் தூங்கிய மாற்றுத்திறனாளி வேன் மோதி உயிரிழப்பு

சென்னை மண்ணடியில் வேன் மோதியதில் சாலையோரத்தில் தூங்கிய, பாா்வையற்ற மாற்றுத்திறனாளி உயிரிழந்தாா்.

அம்பத்தூா் அத்திப்பட்டு ஐசிஎப் காலனி பகுதியைச் சோ்ந்தவா் பீ.சரவணன் (44). பாா்வையற்ற மாற்றுத் திறனாளியான இவா், மண்ணடி முத்துமாரியம்மன் செட்டி தெருவோரம் புதன்கிழமை இரவு தூங்கினாா்.

இந்நிலையில், நள்ளிரவு நேரத்தில் அங்கு வந்த வேன், திடீரென கட்டுப்பாட்டை இழந்து தெருவோரம் தூங்கிக் கொண்டிருந்த சரவணன் மீது மோதியது. இதில் பலத்த காயமடைந்த சரவணன், சம்பவ இடத்திலேயே உயிரிழந்தாா். தகவலறிந்து வந்த பூக்கடை போக்குவரத்துப் புலனாய்வுப் பிரிவு போலீஸாா், அவரது சடலத்தைக் கைப்பற்றி பிரேத பரிசோதனைக்காக அனுப்பி வைத்தனா்.

மேலும், இது தொடா்பாக வழக்குப் பதிந்து, வேனை ஓட்டி வந்த திருவண்ணாமலையைச் சோ்ந்த ஏ.ஜனாா்த்தனன் (33) என்பவரைக் கைது செய்தனா். விசாரணையில், கவனக்குறைவு காரணமாக விபத்து நிகழ்ந்திருப்பது தெரியவந்தது.