சின்ன திரை நடிகைக்கு தாலி கட்டிய மற்றொரு நடிகை!

சின்ன திரை தொடர்களில் நடித்துவரும் நடிகை அஸ்வதி, தன்னுடன் நடிக்கும் சக நடிகையான ஷெஹானாவுக்கு தாலி கட்டியுள்ளார். இதேபோன்று ஷெஹானாவும் அஸ்வதிக்கு தாலி கட்டியுள்ளார். இந்த விடியோ இணையத்தில் பலரால் பகிரப்பட்டு வருகிறது.

தொலைக்காட்சி தொகுப்பாளராகவும், விளம்பரங்களிலும் நடித்து சின்ன திரையில் நுழைந்த அஸ்வதி, மனசினக்கர என்ற தொடரில் நடித்ததன் மூலம் நாயகியாக அறிமுகமானார்.

இவர் தமிழில் நடித்த மோதலும் காதலும் தொடரில் இளம் தலைமுறை ரசிகர்கள் பலரைக் கவர்ந்தார். இதனைத் தொடர்ந்து சன் தொலைக்காட்சியில் மலர் தொடரிலும் நடித்திருந்தா.

தற்போது மலையாளத்தில் ஒளிபரப்பாகிவரும் அபூர்வ ராகங்கள் தொடரில் நாயகியாக நடித்துவருகிறார். இந்தத் தொடரில் ஆசிரியையாக நடித்துவரும் இவர், தன்னுடைய வசீகரமான தோற்றத்தாலும் நடிப்பாலும் அந்த பாத்திரத்துக்கு வலுசேர்த்து வருகிறார்.

மலையாளத்தில் மிகுந்த வரவேற்பைப் பெற்ற இந்தத்தொடரில் தற்போது திருமணக் காட்சி எடுக்கப்படுகிறது. இத்தொடரில் நடிகை ஷெஹானாஸ் உசேனுக்கும் திருமணம் நடக்கிறது.

திருமணத்தின்போது தாலி கட்டியபடி நாயகி இருக்கும்படியான காட்சிக்கு அஸ்வதியும், ஷெஹானாஸும் மாறி மாறி தாலி கட்டிக்கொண்டு நடிப்பதற்கு தயாராகின்றனர். மேக்கப் போட்டுக்கொள்ளும்போது தாலி கட்டிக்கொண்டு நடிப்பது வழக்கம்.

ஆனால், குழந்தைத்தனம் நிறைந்த இந்த இரு நடிகைகளும் மாறி மாறி தாலி கட்டிக்கொண்டு அதனை விடியோவாகவும் பதிவிட்டுள்ளனர். இந்த விடியோவுக்கு பலர் தங்கள் கருத்துகளைப் பதிவிட்டு வருகின்றனர்.

இதையும் படிக்க | தொலைக்காட்சி நிகழ்ச்சி நடுவர்களாக கனிகா, சாக்‌ஷி அகர்வால்!