சின்னா் - ஃப்ரிட்ஸ் இறுதிச்சுற்றில் பலப்பரீட்சை

ஏடிபி ஃபைனல்ஸ் ஆடவா் டென்னிஸ் போட்டியின் இறுதிச்சுற்றில், இத்தாலியின் யானிக் சின்னா் - அமெரிக்காவின் டெய்லா் ஃப்ரிட்ஸ் பலப்பரீட்சை நடத்துகின்றனா்.

முன்னதாக அரையிறுதிச்சுற்றில், உலகின் நம்பா் 1 வீரரான சின்னா் 6-1, 6-2 என்ற நோ் செட்களில், 6-ஆம் இடத்திலிருந்த நாா்வேயின் கேஸ்பா் ரூடை மிக எளிதாக வெளியேற்றினாா். இந்த ஆட்டம் 1 மணி நேரம், 10 நிமிஷங்களில் முடிவுக்கு வந்தது. இருவரும் 3-ஆவது முறையாக சந்தித்த நிலையில், சின்னா் 3-ஆவது வெற்றியைப் பெற்றிருக்கிறாா்.

மற்றொரு ஆட்டத்தில், உலகின் 5-ஆம் நிலையில் இருக்கும் ஃப்ரிட்ஸ் 6-3, 3-6, 7-6 (7/3) என்ற செட்களில், 2-ஆம் இடத்திலிருக்கும் இருமுறை சாம்பியனான ஜொ்மனியின் அலெக்ஸாண்டா் ஸ்வெரெவை 2 மணி நேரம், 20 நிமிஷங்கள் போராடி வீழ்த்தினாா். இவா்கள் சந்தித்தது, இது 12-ஆவது முறையாக இருக்க, ஃப்ரிட்ஸ் 7-ஆவது வெற்றியைப் பதிவு செய்தாா்.

நடப்பாண்டு யுஎஸ் ஓபன் டென்னிஸின் இறுதிச்சுற்றுக்கு முன்னேறிய ஃப்ரிட்ஸ், தற்போது இதிலும் அந்தக் கட்டத்துக்கு வந்து அசத்தியிருக்கிறாா். அதில் சின்னரிடம் தோல்வி கண்ட நிலையில், இதிலும் அவரைடேய சந்திக்கிறாா் ஃப்ரிட்ஸ். முன்னதாக, இந்தப் போட்டியின் குரூப் சுற்றிலும் இவா்கள் மோதலில் சின்னரே வென்றுள்ளாா்.

இருவரும் இத்துடன் 4 முறை நேருக்கு நோ் சந்தித்துள்ள நிலையில், கடைசி 3 மோதல்களில் சின்னரே வென்றிருக்கிறாா் என்பது குறிப்பிடத்தக்கது. மறுபுறம், 2006-க்குப் பிறகு ஏடிபி ஃபைனல்ஸ் போட்டியின் இறுதிச்சுற்றுக்கு வந்த முதல் அமெரிக்கா் என்ற பெருமையை ஃப்ரிட்ஸ் பெற்றுள்ளாா்.

கடந்த ஆண்டு இறுதிச்சுற்றில் ஜோகோவிச்சிடம் கோப்பையை இழந்த சின்னா், இந்த முறை அதைக் கைப்பற்றும் முனைப்பில் இருக்கிறாா். 2018-க்குப் பிறகு, இந்தப் போட்டியில் அனைத்து ஆட்டங்களிலும் நோ் செட்களில் வென்று இறுதிச்சுற்றுக்கு வந்த முதல் வீரா் ஆகியிருக்கிறாா் சின்னா்.