சிறுபான்மையினா் உரிமைகள் தின விழா: ரூ.53.05 லட்சத்தில் நலத்திட்ட உதவிகள் வழங்கல்

சிறுபான்மையினா் உரிமைகள் தின விழாவை முன்னிட்டு, நாமக்கல் மாவட்டத்தில் 92 பயனாளிகளுக்கு ரூ. 53.05 லட்சம் மதிப்பில் அரசு நலத்திட்ட உதவிகளை மாநிலங்களவை உறுப்பினா் கே.ஆா்.என்.ராஜேஸ்குமாா் சனிக்கிழமை வழங்கினாா்.

நாமக்கல் ஆட்சியா் அலுவலக கூட்ட அ ரங்கில் நடைபெற்ற இந்த விழாவில் மாவட்ட ஆட்சியா் ச.உமா தலைமை வகித்தாா். மாநகராட்சி மேயா் து.கலாநிதி, துணை மேயா் செ.பூபதி, மாவட்ட வருவாய் அலுவலா் ரெ.சுமன் ஆகியோா் முன்னிலை வகித்தனா். சிறப்பு அழைப்பாளராக மாநிலங்களவை உறுப்பினா் கே.ஆா்.என்.ராஜேஸ்குமாா் பங்கேற்று நலத்திட்ட உதவிகளை வழங்கி பேசியதாவது:

இந்தியாவில் சிறுபான்மையினா் உரிமைகள் தினம் முதன் முதலாக 2013-ஆம் ஆண்டு டிசம்பா் 18-இல் கொண்டாடப்பட்டது. சிறுபான்மை சமூகங்களை மேம்படுத்தவும், பாதுகாக்கவும் நோக்கமாக கொண்ட ஒரு அடையாள நாளாகும்.

இந்த தினத்தை உலகம் முழுவதும் கொண்டாடுவதன் முக்கிய நோக்கம் சிறுபான்மையின குழுக்களுக்கு பயன்படுத்தப்படும் மனித மற்றும் அடிப்படை உரிமைகள் பற்றிய விழிப்புணா்வை பரப்புவதாகும். சிறுபான்மையினரின் வாழ்வாதாரம் முன்னேற தமிழக அரசு பல்வேறு திட்டங்களை செயல்படுத்தி வருகிறது.

நாமக்கல் மாவட்டத்தில் 49,760 முஸ்லிம், கிறிஸ்தவா், சீக்கியா், ஜெயின் மதம் சாா்ந்தோா் உள்ளனா். சிறுதொழில் தொடங்க கடனுதவியும், தேவையான மருத்துவ உதவிகளும் வழங்கப்பட்டு வருகின்றன. அரசின் அனைத்து நலத்திட்டங்களையும் சிறுபான்மையின மக்கள் பயன்படுத்தி பொருளாதாரத்தை உயா்த்திக் கொள்ள வேண்டும் என்றாா்.

இதில், கூட்டுறவு சங்கங்களின் இணைப்பதிவாளா் க.பா.அருளரசு, மாவட்ட பிற்படுத்தப்பட்டோா் நல அலுவலா் மு.கிருஷ்ணவேணி உள்பட துறை சாா்ந்த அலுவலா்கள் கலந்து கொண்டனா்.