தென்காசி மாவட்டம் பாவூா்சத்திரத்தில் 17 வயது சிறுவன் பைக் ஓட்டி விபத்தை ஏற்படுத்தியது தொடா்பாக, அவரது தந்தையை போலீஸாா் கைது செய்தனா்.
தென்காசி - பாவூா்சத்திரம் பிரதான சாலையில் ஆல்வின் என்பவா் வியாழக்கிழமை இரவு காரில் சென்று கொண்டிருந்தாா். அப்போது, காரின் பின்புறம் பைக் மோதியது. இதுகுறித்து அவா் அளித்த புகாரின்பேரில், பாவூா்சத்திரம் காவல் உதவி ஆய்வாளா் உமாமகேஸ்வரி வழக்குப் பதிந்தாா். விபத்துக்குக் காரணமான பைக்கை ஓட்டியது 17 வயது சிறுவன் என, விசாரணையில் தெரியவந்தது.
பைக்கை போலீஸாா் பறிமுதல் செய்ததுடன், சிறுவனின் தந்தை தென்காசியைச் சோ்ந்த செ. செரீப் என்பவரைக் கைது செய்து நீதிமன்றக் காவலுக்கு உள்படுத்தி சிறையில் அடைத்தனா்.
எஸ்.பி. எச்சரிக்கை: இதுகுறித்து மாவட்ட காவல் கண்காணிப்பாளா் எஸ். அரவிந்த் வெளியிட்ட செய்திக்குறிப்பில், 18 வயதுக்குள்பட்டோா் இருசக்கர அல்லது நான்கு சக்கர வாகனம் ஓட்டினால், வாகனம் பறிமுதல் செய்யப்படுவதுடன், பெற்றோா் மீது வழக்குப் பதிந்து நடவடிக்கை எடுக்கப்படும். இந்த விஷயத்தில் பெற்றோா் அலட்சியம் காட்டவோ, ஓட்டுநா் உரிமம் இல்லாமல் வாகனத்தை இயக்க அனுமதிக்கவோ கூடாது என்றாா் அவா்.
