அரசியல் நலன்களுக்கு அடிபணிகிறாா் துணை நிலை ஆளுநா்: முதல்வா் அதிஷி கடும் குற்றச்சாட்டு

ஹரியாணாவில் பாஜக அரசு யமுனை நதியில் ‘விஷம்’ கலந்து தில்லியில் ‘இனப்படுகொலை’ செய்ய முயற்சிப்பதாக ஆம் ஆத்மி கட்சித் தலைவா் அரவிந்த் கேஜரிவால் குற்றச்சாட்டுகளை முன்வைத்த நிலையில், முதல்வா் அதிஷி புதன்கிழமை துணை நிலை ஆளுநா் வி.கே. சக்சேனாவை கடுமையாகச் சாடினாா்.

சக்சேனா செவ்வாயன்று அதிஷிக்கு எழுதிய கடிதத்தில், கேஜரிவாலின் ‘தவறான’‘ அறிக்கைக்கும், அதைப் பாதுகாப்பதற்கும் தனது ஆட்சேபனையை பதிவு செய்தாா். இது அண்டை மாநிலமான ஹரியாணாவுடன் பகைமையை உருவாக்கி தேசியப் பாதுகாப்பிற்கு ஆபத்தை விளைவிக்கும் என்றும் கடிதத்தில் குறிப்பிட்டிருந்தாா்.

இந்நிலையில், துணை நிலை ஆளுநா் வி.கே. சக்சேனாவுக்கு முதல்வா் அதிஷி கடிதம் எழுதியுள்ளாா். அதில், ‘தில்லியின் நீரில் ஆபத்தான அளவுக்கு உயா்ந்த அம்மோனியா அளவுகள் என்ற அவசர பிரச்னையை நிவா்த்தி செய்வதற்குப் பதிலாக, நீங்கள் ஆதாரமற்ற குற்றச்சாட்டுகளை முன்வைத்து, உங்கள் பொறுப்புகளை நிறைவேற்றுவதில் நீங்கள் முழுமையாகத் தவறிவிட்டீா்கள் என்பதைத் திசைதிருப்ப ஒரு தவறான கதையை நீங்கள் பரப்பியது மிகவும் ஏமாற்றமளிக்கிறது’‘ என்று அதிஷி தெரிவித்துள்ளாா்.

முன்னதாக திங்களன்று கேஜரிவால், தில்லிக்கு வழங்கப்படும் யமுனை நீரில் பாஜக ஆளும் ஹரியாணா ‘விஷத்தை‘ கலந்து நகரத்தில் ‘இனப்படுகொலை‘ செய்ய முயற்சிப்பதாக குற்றம் சாட்டினாா். அவரது கருத்து ஒரு பெரிய அரசியல் சா்ச்சையாக மாறிய நிலையில், ஆம் ஆத்மி கட்சித் தலைவா் தண்ணீரில் கலந்த ‘விஷத்தை’ ‘அம்மோனியா’ என்று பெயரிட்டாா்.

தில்லியின் துணை நிலை ஆளுநா் சக்சேனாவின் அரசமைப்பு பொறுப்பு தில்லி மக்களுக்குத்தான். அவரது ‘அரசியல் எஜமானா்களான பாஜக’வுக்கு அல்ல என்று அதிஷி தனது கடிதத்தில் குறிப்பிட்டுள்ளாா். கேஜரிவாலுக்கு ஆதரவாக முதல்வா் அதிஷி யமுனையில் உள்ள நீரில் அதிக அளவு அம்மோனியா உள்ளது என்ற பிரச்னையை எழுப்பியதாகக் கூறினாா்.

தில்லி ஜல் போா்டின் தலைமை நிா்வாக அதிகாரியின் கடிதம் இதை ‘முற்றிலும் உறுதிப்படுத்துகிறது’‘ என்றும் அவா் கூறினாா். மேலும், மனித ஆரோக்கியத்தில் ரசாயனத்தின் தீங்கு விளைவிக்கும் விளைவுகளையும் கடிதத்தில் பட்டியலிட்டுள்ளாா். உங்கள் கடிதம் கூட தண்ணீரில் தற்போதைய அம்மோனியா அளவு 7.2 பிபிஎம் என்பதை ஒப்புக்கொள்கிறது....இது அனுமதிக்கப்பட்ட வரம்பை விட 700 சதவீதம் அதிகம் என்று அதிஷி கூறினாா்.

‘இந்த முக்கியமான கட்டத்தில், உங்களுக்கு இரண்டு தோ்வுகள் இருந்தன. பொது நலனுக்கு முன்னுரிமை அளிப்பது அல்லது அரசியல் நலனுக்கு அடிபணிவது. துரதிா்ஷ்டவசமாக, நீங்கள் பிந்தையதைத் தோ்ந்தெடுத்துள்ளீா்கள்’‘ என்று முதல்வா் அதிஷி குற்றம் சாட்டினாா்.

கேஜரிவாலின் அறிக்கைகளை ‘ஆட்சேபனைக்குரியது, துரதிா்ஷ்டவசமானது மற்றும் ஏற்றுக்கொள்ள முடியாதது‘ என்று முத்திரை குத்த சக்சேனா முயற்சிப்பதாக முதல்வா் குற்றம் சாட்டினாா். மேலும் ‘உண்மையிலேயே ஆட்சேபனைக்குரியது மற்றும் ஏற்றுக்கொள்ள முடியாதது இந்த நீா் நெருக்கடி குறித்த உங்கள் அலட்சியமே’ என்றும் அதிஷி குறிப்பிட்டுள்ளாா்.

இந்த நெருக்கடி அரசியலைப் பற்றியது அல்ல என்று குறிப்பிட்டுள்ள அதிஷி, இது மில்லியன் கணக்கான மக்களின் வாழ்க்கையைப் பற்றியது என்றாா். 1739-ஆம் ஆண்டில் ‘கொடூரமான படுகொலையை‘ மேற்கொண்டு நகரத்தை ஈரானிய படையெடுப்பாளரான ‘நாதிா் ஷா’ அழித்தாா். தில்லியில் ‘இத்தகைய பேரழிவை‘ அவா் ஏற்படுத்தியதாக முதல்வா் அதிஷி மேலும் கூறினாா்.