விழுப்புரம் மாவட்டம், செஞ்சி பி ஏரியில் மேற்கொள்ளப்பட்ட சீரமைப்புப் பணிகளை செஞ்சி கே.எஸ்.மஸ்தான் எம்எல்ஏ ஞாயிற்றுக்கிழமை நேரில் பாா்வையிட்டு ஆய்வு செய்தாா்.
ஃபெஞ்ஜால் புயல் காரணமாக செஞ்சி மேல்மலையனூா் உள்ளிட்ட பகுதிகளில் சனிக்கிழமை காலை முதல் ஞாயிற்றுக்கிழமை அதிகாலை வரை பலத்த மழை பெய்தது. இதனால், செஞ்சி உள்ளிட்ட அனைத்து பகுதிகளிலும் உள்ள ஏரிகள் நிரம்பியது. செஞ்சி பி ஏரி நிரம்பி கடல் போல காட்சியளித்தது.
மேலும், ஏரியில் கோடி போகும் பகுதியில் உள்ள அடைப்புகளை பொக்லைன் இயந்திரம் மூலம் சீரமைக்கும் பணியும், ஏரியின் வடபுரம் ஏரிக்கரையை பலப்படுத்தும் பணியும் நடைபெற்றது.
இந்தப் பணிகளை செஞ்சி கே.எஸ்.மஸ்தான் எம்எல்ஏ நேரில் பாா்வையிட்டு ஆய்வு செய்தாா். அப்போது, செஞ்சி நகரில் மழை நீா் தேங்காத வகையில், பேரூராட்சி பணியாளா்கள் முழு வீச்சில் ஈடுபட வேண்டு என அறிவுறுத்தினாா். தொடா்ந்து, செஞ்சி பகுதி குடியிருப்புப் பகுதிகளுக்குள் வெள்ள நீா் புகாத வகையில் மேற்கொள்ளப்பட்டு வரும் முன்னெச்சரிக்க பணிகளை ஆய்வு செய்தாா்.
இதில், செஞ்சி ஒன்றியக் குழுத் தலைவா் விஜயகுமாா், வட்டாட்சியா் ஏழுமலை, டி.எஸ்.பி.காா்திகா பிரியா, செயல் அலுவலா் செந்தில்நாதன் உள்ளிட்டோா் உடனிருந்தனா்.
