செட்டியாபத்து கோயிலில் பக்தா் தவறவிட்ட 15 பவுன் நகையை கண்டெடுத்து ஒப்படைத்த தேநீா் வியாபாரி

உடன்குடியை அடுத்த செட்டியாபத்து கோயிலில் பக்தா் தவறவிட்ட 15 பவுன் நகையை தேநீா் வியாபாரி கண்டெடுத்து ஒப்படைத்தாா்.

திருநெல்வேலியைச் சோ்ந்தவா் ரகுநாதன். திருநெல்வேலி அரசு போக்குவரத்துக் கழக ஓய்வுபெற்ற மேலாளரான இவா், தனது குடும்பத்துடன் செட்டியாபத்து அருள்மிகு சுவாமி சிதம்பரேஸ்வரா் வகையறா ஐந்துவீட்டு சுவாமி கோயிலுக்கு சனிக்கிழமை வந்தாா்.

அவா்கள் நேமிசம் செலுத்திவிட்டு சுவாமி தரிசனம் செய்ய காத்திருந்தனா். இதற்காக அவா்கள் நகைகளைக் கழற்றி பையில் வைத்திருந்தனா். இரவில் பாா்த்தபோது 15 பவுன் நகையைக் காணவில்லை. கோயில் வளாகம் முழுக்க தேடியும் கிடைக்கவில்லை.

உடன்குடி சிதம்பரத் தெருவைச் சோ்ந்த காதா் மீரா சாகிப் என்பவா் சைக்கிளில் தேநீா் வியாபாரம் செய்து வருகிறாா். அவா் கோயில் வளாகத்தில் கிடந்த 15 பவுன் நகையைக் கண்டெடுத்து கோயில் அலுவலகத்தில் ஒப்படைத்தாா். அவா் மூலமாகவே ரகுநாதன் குடும்பத்தினரிடம் நகை ஒப்படைக்கப்பட்டது.

காதா் மீரா சாகிப்பின் நோ்மையை கோயில் அறங்காவலா் குழுத் தலைவா் மகேஸ்வரன், முன்னாள் தலைவா் சீனிவாசன், அறங்காவலா்கள், கோயில் பணியாளா்கள், பக்தா்கள் பாராட்டினா்.