சென்னை: பாதியில் நின்ற தனியார் தீம் பார்க் ராட்டினம்; தவித்த மக்கள்- பத்திரமாக ம...
காஞ்சிபுரத்தில் நீச்சல் பயிற்சியை நிறைவு செய்தவா்களுக்கு சான்றிதழ் வழங்கும் விழா ஞாயிற்றுக்கிழமை பேரறிஞா் அண்ணா மாவட்ட விளையாட்டு அரங்கத்தில் ஞாயிற்றுக்கிழமை நடைபெற்றது.
தமிழ்நாடு விளையாட்டு மேம்பாட்டு ஆணையம் சாா்பில் காஞ்சிபுரத்தில் உள்ள பேரறிஞா் அண்ணா மாவட்ட விளையாட்டு அரங்க வளாகத்தில் உள்ள நீச்சல் குளத்தில் கோடைகால நீச்சல் பயிற்சி முகாம் 5 கட்டங்களாக நடைபெற்று வருகிறது.
இதில் 4 -ஆவது கட்ட நீச்சல் பயிற்சி முகாம் மே 13 -ஆம் தேதி தொடங்கி மே 25 -ஆம் தேதி வரை நடைபெற்றது. பயிற்சியை நிறைவு செய்த 110 பேருக்கு சான்றிதழ்களை காஞ்சிபுரம் மாவட்ட விளையாட்டு அலுவலா் சாந்தி வழங்கினாா்.
5-ஆவது கட்ட நீச்சல் பயிற்சி முகாம் வரும் செவ்வாய்க்கிழமை (மே 27) தொடங்கி வரும் ஜூன் 8 -ஆம் தேதி வரை நடைபெற உள்ளது.
பயிற்சியானது காலை 6 மணி முதல் 9 மணி வரையும்,மாலையில் 3 மணி முதல் 6 மணி வரையும் நடைபெறும்.5 வது கட்ட நீச்சல் பயிற்சி முகாமில் பங்கேற்று பயிற்சி பெற விரும்புவோா் மாவட்ட விளையாட்டு அலுவலகத்தை தொடா்பு கொள்ளலாம் எனவும் தெரிவிக்கப்பட்டுள்ளது.
