சென்னை: புயலால் ஏற்பட்ட கனமழை காரணமாக துண்டிக்கப்பட்ட சென்னை - திருச்சி தேசிய நெடுஞ்சாலையில் போக்குவரத்து சீரானது.
விழுப்புரம் மாவட்டம், தென்பெண்ணை மற்றும் மலட்டாற்றில் ஏற்பட்ட வெள்ளப்பெருக்கு காரணமாக சென்னை - திருச்சி தேசிய நெடுஞ்சாலை உள்ளிட்ட பல்வேறு இடங்களில் வெள்ள நீா் சூழ்ந்தது. இதன் காரணமாக திருச்சி செல்லும் பாதையில் போக்குவரத்து துண்டிக்கப்பட்டது.
திருச்சி மற்றும் தென் மாவட்டங்களை நோக்கிச் செல்லும் வாகனங்கள் விழுப்புரத்திலிருந்து பண்ருட்டி வழியாக போக்குவரத்து மாற்றம் செய்யப்பட்டது.
இந்நிலையில், விழுப்புரத்திலிருந்து திருச்சியை நோக்கி செல்லும் வழித்தடத்தில் வெள்ளநீா் வடிந்ததால், செவ்வாய்க்கிழமை இரவு 8 மணிக்கு மேல் அந்த மாா்க்கத்தில் மட்டும் வாகனங்கள் சென்று வர அனுமதிக்கப்பட்டன. அரசூா் அருகே சென்னை - திருச்சி நெடுஞ்சாலையில் 4 வழிச்சாலையின் ஒருபுறம் மட்டும், இரு மாா்க்கங்களிலும் வாகனங்கள் இயக்கப்பட்டன.
