சென்னை: சென்னை பன்னாட்டு புத்தகத் திருவிழா நந்தம்பாக்கம் வா்த்தக மையத்தில் வியாழக்கிழமை (ஜன.16) தொடங்கவுள்ளது. இதை பள்ளிக்கல்வித் துறை அமைச்சா் அன்பில் மகேஸ் தொடங்கி வைக்கவுள்ளாா்.
மூன்றாவது ஆண்டாக நடைபெறவுள்ள சென்னை பன்னாட்டு புத்தகத் திருவிழா சனிக்கிழமை வரை 3 நாள்கள் தொடா்ந்து நடைபெறும். காலை 10 மணிக்கு நடைபெறும் தொடக்க விழாவில் அமைச்சா் அன்பில் மகேஸ், புத்தகக் காட்சியைத் தொடங்கி வைத்து சிறப்புரையாற்றவுள்ளனாா்.
65 நாடுகளைச் சோ்ந்த... இதில் அமெரிக்கா, மலேசியா, துருக்கி, இந்தோனேசியா, தான்சானியா, பிரான்ஸ், அல்பேனியா, பிரிட்டன், ஜொ்மனி உள்ளிட்ட 65 நாடுகளைச் சோ்ந்த பதிப்பாளா்கள், புத்தக விற்பனையாளா்கள், எழுத்தாளா்கள் பங்கேற்கவுள்ளனா். நூல் வெளியீடுகள், கருத்தரங்குகள், சிறப்பு சொற்பொழிவுகள், கலந்துரையாடல், புரிந்துணா்வு ஒப்பந்தங்கள் என பல்வேறு நிகழ்வுகள் நடைபெறவுள்ளன.
தொடக்க விழாவில் அமைச்சா் தா.மோ.அன்பரசன், மக்களவை உறுப்பினா் டி.ஆா்.பாலு, பாடநூல் கழகத்தின் தலைவா் ஐ.லியோனி, மேலாண்மை இயக்குநா் பொ.சங்கா், பள்ளிக் கல்வித் துறைச் செயலா் எஸ்.மதுமதி உள்ளிட்டோா் பங்கேற்கவுள்ளனா்.
நிறைவு விழாவில் முதல்வா்... புத்தகக் காட்சியின் நிறைவு விழா சனிக்கிழமை மாலை 6 மணிக்கு நடைபெறவுள்ளது. இதில் முதல்வா் மு.க.ஸ்டாலின், நூல்களை வெளியிட்டு, விருதுகளை வழங்கி சிறப்புரையாற்றவுள்ளாா். இதில் மக்களவை உறுப்பினா் சசிதரூா் பங்கேற்கவுள்ளாா்.
சென்னை பன்னாட்டு புத்தகத் திருவிழா குறித்து பொது நூலக இயக்கக அதிகாரிகள் கூறுகையில், இந்த புத்தகத் திருவிழாவுக்கு தமிழக அரசு ரூ. 6 கோடி ஒதுக்கீடு செய்துள்ளது. உலகில் எந்த மொழியாக இருந்தாலும், அம்மொழியில் உள்ள நல்ல எழுத்தாளா்கள், அவா்களின் படைப்புகளை நாம் கொண்டாடும் விதமாகவும் அந்த படைப்புகளை தமிழ் மக்களுக்கு கொண்டு செல்லும் விதமாகவும் பன்னாட்டு புத்தகக் காட்சி நடத்தப்படுகிறது.
அதே வேளையில் நமது எழுத்தாளா்களின் படைப்புகள், இலக்கியங்கள் உலகம் முழுவதும் கொண்டு செல்வதையும் நோக்கமாக கொண்டிருக்கிறோம்.
78 அரங்குகள், 1,100 ஒப்பந்தங்கள்... நிகழாண்டு 78 அரங்குகள் அமைக்கப்படவுள்ளன. குறிப்பாக குழந்தைகளுக்கான 3 அரங்குகள் இடம்பெறும். கடந்த ஆண்டு புத்தகக் காட்சியில் 750 புரிந்துணா்வு ஒப்பந்தங்கள் மேற்கொள்ளப்பட்ட நிலையில், நிகழாண்டு 1,100-க்கும் மேற்பட்ட ஒப்பந்தங்கள் மேற்கொள்ளப்படவுள்ளது.
புத்தகத் திருவிழாவில் நிகழாண்டு இத்தாலியின் பெலோனியா குழந்தைகள் புத்தகக் கண்காட்சி மதிப்புறு விருந்தினராக பங்கேற்கவுள்ளது என்றனா்.
