சேரன்மகாதேவி அருகே இளைஞருக்கு அரிவாள் வெட்டு: இருவா் கைது

திருநெல்வேலி மாவட்டம் சேரன்மகாதேவி அருகே இளைஞரை அரிவாளால் வெட்டியதாக இருவரை போலீஸாா் வியாழக்கிழமை கைது செய்தனா்.

சேரன்மகாதேவி அருகே கங்கனாங்குளத்தில் அப்பகுதியைச் சோ்ந்த பாலகிருஷ்ணன் என்பவா் இறைச்சிக் கடை நடத்தி வருகிறாா். இவரது கடையில் தூத்துக்குடியைச் சோ்ந்த தங்கம் மகன் செந்தில் (26) என்பவா் தங்கியிருந்து வேலை செய்து வருகிறாா்.

இதனிடையே, பாலகிருஷ்ணனுக்கும், அவரது பக்கத்து வீட்டில் வசிக்கும் முருகன் மகன் ஜெகன் (34) என்பவருக்குமிடையே முன்விரோதம் இருந்ததாம்.

புதன்கிழமை இரவில் செந்தில் கடையில் வேலை செய்துகொண்டிருந்தாா். அப்போது, ஜெகன், பச்சைமால் மகன் எட்வின் (28), அசோக்குமாா் மகன் வினோத் (30) ஆகிய மூவரும் சோ்ந்து செந்திலை வேலைக்கு வரக் கூடாது என மிரட்டி தகராறு செய்து அரிவாளால் வெட்டியதாகக் கூறப்படுகிறது.

இதில், காயமடைந்த செந்தில் திருநெல்வேலி அரசு மருத்துவக் கல்லூரி மருத்துவமனையில் சோ்க்கப்பட்டாா். புகாரின்பேரில், சேரன்மகாதேவி போலீஸாா் வழக்குப் பதிந்து ஜெகன், வினோத் ஆகியோரைக் கைது செய்தனா்; எட்வினை தேடி வருகின்றனா்.