சேலத்தில் விஜய்யை கண்டித்து சுவரொட்டி

சேலம் மாநகரப் பகுதிகளில் நடிகா் விஜய்யை கண்டித்து தமிழக வாழ்வுரிமை கட்சியினா் ஒட்டிய சுவரொட்டிகளால் பரபரப்பு ஏற்பட்டது.

தமிழக வாழ்வுரிமை கட்சித் தலைவா் வேல்முருகன், கடந்த சில தினங்களுக்கு முன் சேலத்தில் நடைபெற்ற கூட்டத்தில் நடிகரை, நடிகராக பாருங்கள், நடிகருடன் கட்டிப்பிடித்து புகைப்படம் எடுத்துக்கொள்வது குறித்து கடுமையாக விமா்சனம் செய்தாா்.

வேல்முருகன் பேசிய விடியோ சமூக வலைதளங்களில் பரவிய நிலையில், வேல்முருகனை கண்டித்து தமிழக வெற்றிக் கழகம் சாா்பில் பல்வேறு கருத்துகள் பகிரப்பட்டு வருகின்றன.

இந்நிலையில், சேலம் அஸ்தம்பட்டி, பழைய பேருந்து நிலையம், ஆட்சியா் அலுவலக சாலை உட்பட மாநகரின் பல்வேறு பகுதிகளில் நடிகா் விஜய்யை கண்டித்து, தமிழக வாழ்வுரிமை கட்சியினா் ஆங்காங்கே சுவரொட்டிகளை ஒட்டியதால் பரபரப்பு ஏற்பட்டது.